Marc 3:7 - Mbeti ti Nzapa - Tënë so amu fini

⁷ Jésus na adisiple ti lo agboto tere ti ala si ala gue na tere ti kota ngu ti Galile. Gba ti azo alondo na Galile nga na Judée aga si ala mu peko ti lo.

Marc 3:7 Iomraidhean Croise

Matthieu 10:23

Tongana azo asara ngangu na ala na ya ti mbeni gbata, ayeke nzoni ala kpe ague na ya ti mbeni gbata nde. Mbi tene na ala taa-tënë: kozo titene *Molenge ti Zo akiri, fade ala yeke hunzi kua ti ala na ya ti agbata ti Israel kue pepe.

Matthieu 12:15

So Jésus ama tënë ti ye so ala ye ti sara na lo, lo londo na ndo so si lo hon. Gba ti azo amu peko ti lo, lo kai kobela ti ala kue.

Matthieu 12:16

Lo gboto mê ti ala ngangu titene ala sara si azo ahinga tënë ti lo pepe.

Matthieu 4:25

Gba ti azo amu peko ti Jésus; ambeni alondo na Galile, ambeni alondo na ya ti Agbata-Baleoko, ambeni alondo na Jérusalem, na Judée nga na kodro so ayeke na mbage ti ngu ti Jourdain si aga.

Marc 1:39

Tongaso Jésus atambula na ya ti ada ti sambelango Nzapa na sese ti Galile kue; lo fa Nzoni Tënë si lo tumba nga asioni yingo.

Marc 1:45

Me koli so ahon gi kete, lo to nda ti dekongo na tënë ni si lo fa ni na azo kue. Ndani laa, Jésus alingbi ti li na ya ti ambeni gbata na le ti azo pepe; lo gue, lo duti na ndo so azo ayeke daa pepe. Azo alondo na ya ti ando nde nde si ala gue na lo kâ.

Marc 3:20

Na pekoni, Jésus akiri na da. Azo akiri abongbi gbani gbani, lege titene lo na adisiple ti lo ate kobe ayeke daa pepe.

Marc 4:1

Jésus akiri ayeke fa ye na azo na yanga ti kota ngu ti Galile. Azo abongbi gbani gbani na tere ti lo. Tongaso lo ko na ya ti ngo, lo duti na ya ni. Gba ti azo ni angba ti ala na sese na yanga ti ngu ni.

Nzoni Tënë so Luc asu na mbeti 23:5

Me ala luti na ndö ti tënë ti ala, atene: “Lo yeke pusu azo ti kodro ti sara wusuwusu na lege ti fango ye ti lo so lo yeke fa na azo ti sese ti Judée kue. Lo londo na Galile si lo yeke fa ye na azo ngbii asi na ndo so.”

Nzoni Tënë so Luc asu na mbeti 6:12

Mbeni lâ, Jésus ague na li ti mbeni hoto ti sambela; lo sambela Nzapa na bi ni so kue.

Nzoni Tënë so Luc asu na mbeti 6:17

Jésus na *awatokua ti lo alondo na li ti hoto ni azu si lo luti na mbeni ndo so ayeke kpangbara. Adisiple ti lo mingi mingi ayeke kâ, ala na gba ti azo so asi singo. Azo ni alondo na ya ti agbata ti Judée kue, na Jérusalem, na agbata ti Tir na Sidon so ayeke na yanga ti kota ngu-ingo.

Jean 7:41

Ambeni atene ti ala: “Lo laa lo yeke *Mesii ni!” Ambeni atene: “Mesii ni alingbi ti londo na Galile si aga?

Jean 7:52

Ala kiri tënë na lo: “Mo nga, mo yeke zo ti Galile? Mo gi nda ti Mbeti ti Nzapa, fade mo yeke hinga so, mbeni wayanga-Nzapa alondo laoko na Galile aga pepe.” [

Awatokua 17:10

Gi na bi ni, a-ita, azo ti Christ, azia Paul na Silas na lege titene ala gue na gbata ti Bere. So ala si kâ, ala gue na da ti sambelango Nzapa ti azuife.

Awatokua 17:14

Tongaso a-ita, azo ti Christ, azia Paul na lege hio titene lo gue na yanga ti kota ngu-ingo; me Silas na Timothée angba ti ala na Bere.

Josué 20:7

Agbata so azo ti Israel azia ni nde ayeke so: Kedesh, so ayeke na Genezaret na sese ti Neftali, ndo so ahoto ayeke daa, Sishem, so ayeke na sese ti Efraim, ndo so ahoto ayeke daa, Kiriat-Arba, so a iri ni nga Hebron na sese ti Juda, ndo so ahoto ayeke daa.

Josué 21:32

Na sese ti azo ti mara ti Neftali, a mu na ala agbata ota na ando ti tengo pere ndali ti anyama ti ala. Agbata ni ayeke so: Kedesh, gbata so azo so afâ zo na mbana pepe ayeke kpe daa ti bata tere ti ala, na sese ti Galile, nga na gbata ti Hamot-Dor na Kartan.