Marc 3:28 - Mbeti ti Nzapa - Tënë so amu fini

²⁸ Mbi tene na ala taa-tënë: asioni ye so kue azo asara, ataa zonga so ala zonga na Nzapa, fade lo yeke zi tënë ni na li ti ala.

Marc 3:28 Iomraidhean Croise

Awayango-sandaga 24:16

Zo so azonga iri ti KOTA GBIA, fade a yeke fâ lo; bongbi ti azo ni kue ayeke bo lo na têne si ayeke fâ lo. Ataa zo ni ayeke wande, wala molenge ti kodro, fade a yeke fâ lo, ngbanga ti so lo zonga iri ti Nzapa.

Matthieu 9:3

Tongaso ambeni wafango-ndia atene na popo ti ala: “Koli so ayeke zonga Nzapa!”

Nzoni Tënë so Luc asu na mbeti 12:10

Zo so kue atene sioni tënë na tere ti Molenge ti Zo, fade Nzapa ayeke zi tënë na li ti lo; me zo so azonga Yingo-Vuru, fade Nzapa ayeke zi tënë na li ti lo pepe.

1 Jean 5:16

Tongana mbeni zo abaa ita ti lo na sarango siokpari, mbeni siokpari so ague na lo na kuâ pepe, alingbi lo sambela si fade Nzapa amu fini na ita ti lo so. Tënë so ayeke ndali ti azo so ayeke sara siokpari so ague na zo na kuâ pepe. Mbeni siokpari ayeke daa so ayeke gue na zo na kuâ, mara ti siokpari so laa mbi hunda na ala ti sambela ndali ni pepe.