Marc 3:24 - Mbeti ti Nzapa - Tënë so amu fini

²⁴ Kodro so kue azo ni akangbi si ala yeke tiri na popo ti ala, fade kodro ni alingbi ti ngba kodro pepe.

Marc 3:24 Iomraidhean Croise

2 Samuel 20:1

Mbeni zo ti bingo kpale ayeke lani kâ, iri ti lo ayeke Sheba, molenge ti Bikri, zo ti mara ti Benjamin. Sheba ahuru tatalita, atene: “Nyen laa abongbi e na David, nyen? Mbeni ye abongbi e na molenge ti Yese? Azo ti Israel, ayeke nzoni zo oko oko akiri na da ti lo.”

2 Samuel 20:6

Tongaso David atene na Abishai: “Fadeso, Sheba, molenge ti Bikri ayeke sara sioni mingi na e ahon ti Absalom. Mo mu aturugu ti mbi, mo tumba peko ti koli so kozo titene lo gue, lo honde tere ti lo na ya ti agbata so angangu gbagba ayeke na tere ni.”

Ezekiel 37:22

Mbi yeke sara titene ala ga gi mara oko na sese ni, na ndö ti ahoto ti Israel; ala kue, gbia ti ala ayeke duti gi oko; ala yeke kiri ti duti amara use pepe, ya ti kodro-gbia ni ayeke kiri ti kangbi use pepe.

Zakarii 11:14

Na pekoni, mbi fâ ya ti use keke ti mbi so iri ni Beoko titene mbi kangbi songo so ayeke na popo ti azo ti Juda na azo ti Israel.

Matthieu 12:25

Jésus ahinga tënë ti be ti ala si lo tene na ala: “Kodro so kue akangbi si azo ni ayeke tiri na popo ti ala, fade kodro ni ayeke buba. Gbata so kue wala sewa so akangbi si azo ni ayeke tiri na popo ti ala alingbi ti ngba pepe.

Marc 3:23

Jésus airi ala si lo fa na ala mbeni toli, lo tene: “Satan alingbi ti tumba Satan?

Marc 3:25

Tongana azo ti ya ti sewa akangbi si ala yeke tiri na popo ti ala, fade sewa ni alingbi ti ngba pepe.

Jean 17:21

Mbi sambela titene ala kue aga gi oko! Babâ, ayeke nzoni ala ga oko na e, tongana ti so mbi na mo, e yeke oko. Ayeke nzoni ala ga oko si fade azo ti dunia ahinga atene, mo laa mo tokua mbi.