Marc 3:18 - Mbeti ti Nzapa - Tënë so amu fini

¹⁸ André, Philippe, Barthélemy, Matthieu, Thomas, Jacques, molenge ti Alfe, Tade, Simon so ayeke tiri ndali ti lipandaa ti kodro,

Marc 3:18 Iomraidhean Croise

Matthieu 13:55

Molenge ti sarapande so laa pepe? Marie laa ayeke mama ti lo pepe? Jacques, Joseph, Simon na Jude ayeke a-ita ti lo ti koli pepe?

Matthieu 9:9

So Jésus alondo na ndo so ti hon, lo baa mbeni koli so iri ti lo Matthieu; lo yeke duti na ndo so azo ayeke futa lapo daa. Jésus atene na lo: “Mu peko ti mbi!” Matthieu alondo si lo mu peko ti Jésus.

Marc 2:14

So lo yeke hon, lo baa Lévi, molenge ti Alfe, lo yeke duti na ndo so azo ayeke futa lapo daa. Jésus atene na lo: “Mu peko ti mbi!” Lévi alondo si lo mu peko ti Jésus.

Marc 3:17

Jacques na ita ti lo Jean so ala yeke amolenge ti Zebede – Jésus adi iri ti ala Boanerges, so nda ni atene: “Amolenge ti bekpa” –,

Marc 3:19

na Judas Iskariote, lo so lo yeke ka ande Jésus.

Marc 6:3

Sarapande so laa pepe? So molenge ti Marie laa pepe? Ita ti Jacques, na Yozes, na Jude na Simon so laa pepe? A-ita ti lo ti wali ayeke na popo ti e ge pepe?” Ye so asara si azo ni ake ti ma na be na lo.

Jean 1:40

Mbeni oko ti azo use so ama tënë ti Jean si amu peko ti Jésus, ayeke André, ita ti Simon Pierre.

Jean 11:16

Thomas, so mbeni iri ti lo ayeke Ngbo, atene na amba ti lo adisiple: “E nga, e na Jésus e gue si e na lo kue, e kui!”

Jean 14:22

Judas, so ayeke nde na Judas Iskariote, atene na lo: “*Kota Gbia, mo ye ti sara titene e laa e hinga mo si azo ti dunia ahinga mo pepe, ngbanga ti nyen?”

Jean 21:2

Simon Pierre, Thomas – so a iri lo Ngbo –, Natanael, zo ti kodro ti Kana na Galile, amolenge ti Zebede na ambeni disiple use kue abongbi na ndo oko.

Awatokua 1:13

So ala si na gbata ni awe, ala li na ya ti kubu ti nduzu so ala yeke wara ka tere daa. Azo ni ayeke Pierre, Jean, Jacques, André, Philippe, Thomas, Barthélemy, Matthieu, Jacques, molenge ti Alfe, Simon so ayeke tiri ndali ti lipandaa ti kodro nga na Jude, molenge ti Jacques.

Awatokua 15:13

So ala hunzi tënë ti ala awe, Jacques amu tënë si lo tene: “A-ita, ala ma mbi si!

Awatokua 21:18

Na ndade ni, Paul ague na e na ndo ti Jacques. *Akangba ti *Eglize kue abongbi kâ.

1 Korente 15:7

Na pekoni, lo si na Jacques, na pekoni, lo si na *awatokua kue.

1 Korente 9:5

E lingbi fade ti mu wali so ayeke zo ti Christ na tere ti e na ya ti atambula ti e pepe? Atanga ti awatokua, a-ita ti Kota Gbia na Pierre ayeke sara ni!

Galasii 1:19

Mbi baa mbeni watokua nde pepe, me zo so mbi baa lo ayeke gi Jacques, ita ti *Kota Gbia.

Galasii 2:9

Jacques, Pierre na Jean, so azo ti Christ abaa ala tongana akota zo, ahinga atene, Nzapa amu kua so na mbi biani. Ndani laa, ala bara mbi na Barnabas ti fa atene, e na ala e yeke na beoko. E ma tere so fade e yeke gue ti e na mbage ti azo ti amara nde, ala yeke gue ti ala na mbage ti azuife.

Jacques 1:1

Mbi Jacques, zo ti kua ti Nzapa na ti *Kota Gbia Jésus Christ; mbi tokua mbeti so na amara baleoko na use ti azuife so akangbi na ya ti akodro nde nde. Mbi bara ala kue.

Jude 1:1

Mbi Jude, zo ti kua ti Jésus Christ, so mbi yeke nga ita ti Jacques, mbi tokua mbeti so na azo so Nzapa Babâ airi ala, azo so lo ye ala si Jésus Christ ayeke bata ala.