Marc 2:8 - Mbeti ti Nzapa - Tënë so amu fini

⁸ Gi hio tongaso, Jésus ahinga tënë ti be ti ala si lo hunda ala, lo tene: “Ala yeke tene mara ti atënë tongaso na be ti ala ngbanga ti nyen?

Marc 2:8 Iomraidhean Croise

1 Mbai 29:17

Nzapa ti mbi, mbi hinga so mo laa mo yeke baa ya ti be ti zo si mo yeda na ye so ayeke mbirimbiri. Ti mbi, na be so ayeke mbirimbiri laa mbi mu aye so kue na mo na be ti mbi wani. Fadeso, mbi yeke na ngia ti baa azo ti mo so abongbi ge ti mu ye na mo na be ti ala wani.

Abia (Psaumes) 139:2

Tongana mbi londo, mo hinga; tongana mbi duti, mo hinga. Aye so mbi yeke leke na be ti mbi kâ, mo hinga ni kozoni awe.

Amato 15:26

Be ti KOTA GBIA ake mingi tënë ti sioni pialo; me atënë so zo atene na nzoni be, sioni ye oko ayeke daa pepe.

Amato 24:9

Ye so zo ti buba agbu li ti lo daa ayeke lakue gi siokpari; zo ti hengo ndo, be ti azo ake lo mingi.

Ésaïe 55:7

Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Ezekiel 38:10

“Tënë so mbi Kota Gbia NZAPA, mbi tene ayeke so: Na lango ni so, fade atënë mingi mingi ayeke ga na be ti mo; mo yeke leke pialo so ayeke sioni.

Matthieu 12:15

So Jésus ama tënë ti ye so ala ye ti sara na lo, lo londo na ndo so si lo hon. Gba ti azo amu peko ti lo, lo kai kobela ti ala kue.

Matthieu 16:7

Adisiple atene na popo ti ala: “Lo yeke tene tënë so, ngbanga ti so e mu mapa pepe.”

Matthieu 9:4

Jésus ahinga tënë ti be ti ala si lo hunda ala, lo tene: “Ngbanga ti nyen si be ti ala ayeke sioni tongaso?

Marc 2:7

“Ngbanga ti nyen si koli so ayeke zonga Nzapa tongaso? Zo wa laa alingbi ti zi asiokpari ti azo? Gi Nzapa oko!”

Marc 2:9

Ti tene na zo so mbage ti tere ti lo abuba so, atene: ‘A zi asiokpari ti mo awe’, wala ti tene: ‘Londo, mo mu kelekpa ti mo, mo tambula’, so wa laa ayeke ngangu pepe?”

Marc 7:21

Biani, asioni tënë ti be alondo na ya ti zo, na be ti lo si afa na lo lege ti sarango asioni ye: sarango ye ti ndumba, nzi, fango zo,

Nzoni Tënë so Luc asu na mbeti 24:38

Jésus ahunda ala, atene: “Ala yeke gi be ti ala ngbanga ti nyen? Ala yeke dekite na be ti ala ngbanga ti nyen?

Nzoni Tënë so Luc asu na mbeti 5:22

Me Jésus ahinga tënë ti be ti ala kue si lo tene na ala: “Ngbanga ti nyen laa ala yeke tene mara ti tënë tongaso na be ti ala?

Nzoni Tënë so Luc asu na mbeti 6:8

Me Jésus ahinga atënë ti be ti ala. Nilaa lo tene na koli so maboko ti lo abuba so, lo tene: “Londo, mo luti na ndo so na le ti azo kue!” Koli ni alondo si lo luti.

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Jean 6:64

Me ambeni zo na popo ti ala ama na be pepe.” Biani, Jésus ahinga ngbene ye na tongo nda ni azo so ama na be pepe nga na zo so ayeke ka ande lo.

Awatokua 5:3

Pierre atene na lo: “Ananias, ngbanga ti nyen si mo yeda titene Satan ali be ti mo? Yaka so mo ka so, mo gbanzi mbage ti nginza ni si mo tene mvene na Yingo-Vuru.

Awatokua 8:22

Mo zia lege ti sarango asioni ye ti mo so, mo sambela Kota Gbia titene tongana lege ayeke daa, lo yeke zi sioni tënë so mo leke na be ti mo so.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.