Marc 2:5 - Mbeti ti Nzapa - Tënë so amu fini

⁵ Jésus abaa mabe ti azo ni si lo tene na zo so mbage ti tere ti lo abuba so, lo tene: “Molenge ti mbi, a zi asiokpari ti mo awe.”

Marc 2:5 Iomraidhean Croise

Tongo nda ti aye 22:12

Ange ni atene: “Ndu molenge ni pepe. Sara ye oko na lo pepe, ngbanga ti so mbi hinga fadeso mbi tene, mo yeke zo ti kpengo mbeto ti Nzapa. Mo gbanzi oko molenge ti mo na mbi pepe.”

Abia (Psaumes) 103:3

Lo laa lo zi asioni so kue ayeke na li ti mbi, lo laa lo kai akobela ti mbi kue.

Ésaïe 38:17

Vundu ti be ti mbi akiri aga siriri. Biani, mo ye mbi mingi, nilaa mo sara si mbi li na du ti kuâ pepe; mo bi asiokpari ti mbi kue yongoro na peko ti mo.

Ésaïe 53:11

Ndali ti pasi so lo baa, fade lo yeke baa lumiere; ndali ti hingango ye ti lo, lo yeke te gigi aninga. Zo ti kua ti mbi so ayeke zo ti mbirimbiri ayeke sara ande si gba ti azo aga azo ti mbirimbiri, ngbanga ti so lo yo sioni ti ala.

Matthieu 9:2

Ambeni zo amu mbeni koli so mbage ti tere ti lo abuba si aga na lo na Jésus. Koli ni ayeke lango na ndö ti kelekpa. Jésus abaa mabe ti azo ni si lo tene na koli so mbage ti tere ti lo abuba so, lo tene: “Kanga be ti mo, molenge ti mbi! A zi siokpari ti mo awe!”

Matthieu 9:22

Jésus abi le ti lo na peko, lo baa wali so si lo tene na lo: “Molenge ti mbi, de be ti mo! Mabe ti mo asoo mo awe.” Gi na ndembe ni so, kobela ti wali ni akai.

Matthieu 9:5

Titene zo atene: ‘A zi siokpari ti mo awe’, wala titene zo atene: ‘Londo, mo tambula’, so wa laa ayeke ngangu pepe?”

Marc 2:6

Ambeni wafango-ndia ayeke duti kâ; ala yeke tene na be ti ala:

Marc 5:34

Jésus atene na lo: “Molenge ti mbi ti wali, mabe ti mo asoo mo awe. Kobela ti mo akai awe, mo gue nzoni.”

Nzoni Tënë so Luc asu na mbeti 5:20

So Jésus abaa mabe ti ala, lo tene na koli ni: “A zi asiokpari ti mo awe.”

Nzoni Tënë so Luc asu na mbeti 8:48

Jésus atene na lo: “Molenge ti mbi ti wali, mabe ti mo asoo mo awe, mo gue nzoni!”

Jean 2:25

Mbeni zo alingbi ti fa peko ti tënë na Jésus na ndö ti zo pepe, ngbanga ti so lo hinga tënë ti be ti zo nzoni mingi.

Jean 5:14

Na pekoni, Jésus atengbi na koli ni na ya ti kota da ti Nzapa si lo tene na lo: “Tere ti mo aga nzoni fadeso awe. Kiri mo sara siokpari pepe, ngbanga ti fade mbeni ye ti sioni asi na mo ahon ti kozo.”

Awatokua 11:23

So lo si, lo baa lege so Nzapa asara nzoni be na azo ni. Be ti lo asi na ngia si lo mu wango na ala titene ala kue angba ti mu peko ti Kota Gbia lakue.

Awatokua 14:9

Mbeni lâ, lo yeke ma tënë so Paul ayeke fa. Paul abaa ndo na le ti koli ni si lo baa so koli ni ayeke na mabe titene tere ti lo aga nzoni.

Awatokua 5:31

Nzapa aya lo na nduzu na lege ti ngangu ti lo, lo zia lo Makonzi na Wasongo-zo, ti mu lege na azo ti Israel ti zia ngbene lege ti sarango ye ti ala si Nzapa azi siokpari na li ti ala.

1 Korente 11:30

Ndani laa, na popo ti ala, azo ti kobela na azo so mbage ti tere ti ala abuba ayeke mingi si ambeni mingi akui.

2 Korente 2:10

Tongana ala zi tënë na li ti mbeni zo, mbi nga, mbi yeke zi tënë na li ti lo. Tongana mbi zi tënë na li ti zo – tongana ti so mbi wara lege ti sarango ni – mbi zi ni ndali ti ala, na le ti Christ.

Efeze 2:8

Biani, ndali ti nzoni be ti Nzapa si ala soo kuâ, na lege ti mabe, mbeni ye so ala sara titene ala soo kuâ ndali ni ayeke daa pepe. Songo kuâ ayeke nzoni ye so lo mu na ala senge senge.

Kolose 3:13

Ala kanga be na amba ti ala na popo ti ala. Tongana mbeni zo ayeke na tënë na mba ti lo, ala zi tënë na li ti amba ti ala na popo ti ala, tongana ti so Christ azi tënë na li ti ala; ala nga, ala sara tongaso!

Jacques 5:15

Tongana ala sambela na mabe, sambela ni ayeke soo zo ti kobela ni; Kota Gbia ayeke mu lo na nduzu. Tongana zo ni asara siokpari, Nzapa ayeke zi ni na li ti lo.