Marc 2:27 - Mbeti ti Nzapa - Tënë so amu fini

²⁷ Jésus akiri atene na ala: “A sara lango ti wungo tere ndali ti zo, me a sara zo ndali ti lango ti wungo tere pepe.

Marc 2:27 Iomraidhean Croise

Sigingo 23:12

“Na ya ti lango omene, fade ala yeke sara akua ti ala. Me na lango mbarambara ni, ala wu tere ti ala; tongaso si bagara ti ala na lele ti ala alingbi ti wu tere ti ala; tongaso si angbaa nga na awande so ayeke na ndo ti ala alingbi ti wu pupu.

Ésaïe 58:13

*KOTA GBIA atene: “Tongana mo ke ti sara kua na *lango ti wungo tere, mo ke ti sara ye so mo lingbi ti baa nzoni na peko ni na lango so a zia nde ndali ti mbi; tongana mo iri lango ti wungo tere ‘Lango ti ngia’, mo iri *lango ti KOTA GBIA ‘Nengo lango’, tongana mo ne lango ni so, mo ke ti sara kua, mo ke ti sara ye so mo lingbi ti baa nzoni na peko ni, mo ke ti papa,

Ezekiel 20:12

Mbi mu nga na ala *lango ti wungo tere ti ga mbeni ye ti fa atene, songo ayeke na popo ti mbi na ala si ala hinga atene, mbi laa mbi yeke KOTA GBIA so mbi zia ala nde ndali ti mbi.

Ezekiel 20:20

Ala zia *lango ti wungo tere nde ndali ti mbi; lango ni afa songo so ayeke na popo ti mbi na ala, tongaso si ala hinga atene, mbi laa mbi yeke KOTA GBIA, Nzapa ti ala.’

Marc 2:28

Ndani laa *Molenge ti Zo ayeke nga makonzi ti lango ti wungo tere.”

Nzoni Tënë so Luc asu na mbeti 6:9

Na pekoni, Jésus ahunda ala, atene: “Mbi hunda ala: *Ndia ti e afa nyen? A fa na e ti sara nzoni wala sioni, ti soo zo na kuâ wala ti fâ zo na lango ti wungo tere?”

Jean 7:23

Ala yeke fâ amolenge-koli na ganza na lango ti wungo tere ti bata *Ndia ti Moïse. Ngbanga ti nyen laa ala yeke sara ngonzo na tere ti mbi ndali ti so mbi kai kobela ti mbeni zo na lango ti wungo tere?

2 Korente 4:15

Aye so kue ayeke si na e ndali ti ala titene azo so Nzapa asara nzoni be na ala, wungo ti ala ayeke gue gi na nduzu, tongaso si gba ti azo amu singila na lo si ala gonda lo.

Ndia ti fani use ni 5:12

“Alingbi mo bata *lango ti wungo tere nde ndali ti mbi, alingbi na yanga so KOTA GBIA Nzapa ti mo amu na mo.

Ndia ti fani use ni 5:14

Me lango mbarambara ni ayeke lango ti wungo tere so a zia nde ndali ti KOTA GBIA Nzapa ti mo. Na lango ni so, alingbi mo sara kua oko pepe, ataa mo, ataa molenge ti mo ti koli, ataa molenge ti mo ti wali, ataa zo ti kua ti mo ti koli, ataa zo ti kua ti mo ti wali, ataa bagara ti mo, ataa lele ti mo, ataa mbeni nyama ti mo oko, ataa wande so ayeke lango na kodro ti mo. Alingbi zo ti kua ti mo ti koli na ti wali awu tere ti ala tongana mo.

Kolose 2:16

Tongaso, alingbi mbeni zo afâ ngbanga na li ti ala pepe ndali ti tënë ti kobe, wala ye ti nyongo ni, wala ndali ti alango ti Nzapa, wala amatanga ti fini nze wala *alango ti wungo tere.