Marc 2:25 - Mbeti ti Nzapa - Tënë so amu fini

²⁵ Jésus akiri tënë na ala: “Ye so David asara ando na ndembe so nzara asara lo, lo na azo so amu peko ti lo si ala yeke na ye ti tengo ni pepe, ala diko tënë ni pepe?

Marc 2:25 Iomraidhean Croise

Matthieu 19:4

Jésus akiri tënë na ala: “Ala diko tënë so Mbeti ti Nzapa atene so pepe? Na tongo nda ni, Nzapa so asara ye kue, lo sara koli na wali;

Matthieu 21:16

Ala tene na Jésus: “Mo ma tënë so ala yeke tene so?” Jésus akiri tënë na ala: “Mbi ma ni. Ala de ti diko tënë so Mbeti ti Nzapa atene so pepe? Mbeti ti Nzapa atene: ‘Mo sara si abia ti gondango mo asigigi na yanga ti akete molenge nga na yanga ti ala so angba ti nyon me.’”

Matthieu 21:42

Na pekoni, Jésus ahunda ala, atene: “Tënë so a su na ya ti Mbeti ti Nzapa so, ala diko ni laoko pepe? Tënë ni atene: ‘Têne so azo ti sarango da ake ni, ni laa akiri aga ngangu têne ti gere ti da ni. Ye so alondo na *Kota Gbia, ye ni ayeke ye ti kpene na le ti e!’”

Matthieu 22:31

Âdu tënë ti zingongo ti akuâ, ala diko tënë so Nzapa atene na ndö ni pepe? Lo tene:

Matthieu 4:2

Na ya ti lango baleosio na bi baleosio, lo ke kobe si na pekoni nzara asara lo.

Marc 12:20

Ando, ambeni ita mbarambara ayeke daa. Kozo ita ni amu wali, lo du molenge pepe si lo kui.

Marc 12:26

Âdu ti tënë ti zingongo ti akuâ, ala asadusien, ala diko tënë ni na ya ti buku so Moïse asu so pepe? So lani lo ma go ti Nzapa na ya ti kete keke ti ki, atene: ‘Mbi yeke Nzapa ti Abraham, Nzapa ti Isaac na Nzapa ti Jacob!’

Marc 2:24

Tongaso *afarizien atene na Jésus: “Ngbanga ti nyen si adisiple ti mo ayeke sara ye so *Ndia ake titene zo asara ni na lango ti wungo tere?”

Marc 2:26

David ali na ya ti da ti Nzapa, lo mu mapa so a mu na *sandaga na Nzapa, lo te ni si lo mu mbeni na azo so amu peko ti lo. Na ngoi ni so, Abiatar laa ayeke kota wayango-sandaga. Andaa a mu lege gi na awayango-sandaga ti te mapa ni!”

Nzoni Tënë so Luc asu na mbeti 10:26

Jésus atene na lo: “Tënë ti nyen laa a su na ya ti mbeti ti *Ndia? Ti mo, nda ti tënë so mo diko so atene nyen?”