Marc 2:22 - Mbeti ti Nzapa - Tënë so amu fini

²² Zo alingbi nga ti tuku fini vin na ya ti ngbene bozo ti poro pepe, ngbanga ti so fade vin ni ayeke sungba ya ti bozo ni si vin ni na bozo ni kue abuba. Zo ayeke zia fini vin gi na ya ti fini bozo ti poro.”

Marc 2:22 Iomraidhean Croise

Mbeti ti Job 32:19

Tënë ni ayeke kporo na ya ti mbi tongana vin so ayeke gi lege ti sigingo ni gbaa si asungba afini bozo ti poro.

Abia (Psaumes) 119:80

Na be ti mbi kue, ayeke nzoni mbi sara ye alingbi na ambela ti mo si kamene asara mbi pepe.

Abia (Psaumes) 119:83

Mbi yeke tongana bozo so a sara na poro ti nyama si azia na ndö ti wâ titene ahole, me mbi girisa ambela ti mo pepe.

Matthieu 9:17

Zo alingbi nga ti tuku fini vin na ya ti ngbene bozo ti poro pepe. Tongaso pepe, fade bozo ni ayeke sungba, vin ni atuku na sese si bozo ni abuba. Me ayeke nzoni ti tuku fini vin na ya ti fini bozo si fade aye ni use kue angba nzoni.”

Marc 2:21

“Zo alingbi ti mu fini yanga ti bongo ti fu na le ti ka ti ngbene bongo pepe, ngbanga ti so fade fini yanga ti bongo ni ayeke suru ngbene bongo ni si le ti ka ni aga kota.

Marc 2:23

Na mbeni *lango ti wungo tere, Jésus ayeke hon na ya ti ayaka ti *ble. Na hongo ti ala, adisiple ti lo ayeke fâ ambeni le ti ble ni.

Josué 9:13

Ala baa abozo ti poro so! Na ndembe so e tuku vin daa, abozo ni angba fade fini ni. Fadeso, abozo ni asuru awe! Abongo ti e na apâpä ti e abuba kue awe ndali ti yongoro tambula so e sara so.”

Josué 9:4

Ti azo ti Gabaon, ala sara ye na mayere. Ala leke akobe ti ala ti tengo ni na lege, ala mu agbagba sake na agbagba bozo ti samba so a sara ni na poro ti nyama, a suru surungo, ala fu ni kirikiri si ala zia ni na ndö ti alele.