Marc 2:18 - Mbeti ti Nzapa - Tënë so amu fini

¹⁸ Mbeni lâ, adisiple ti Jean-Baptiste na *afarizien ake kobe ti sambela. Ambeni zo aga, ahunda Jésus, atene: “Ngbanga ti nyen si adisiple ti Jean na adisiple ti afarizien ake kobe si adisiple ti mo ayeke ke kobe pepe so?”

Marc 2:18 Iomraidhean Croise

Matthieu 23:5

Ye so kue awafango-ye ni ayeke sara, ala yeke sara ni gi titene azo abaa ala. Tongaso, ala yeke sara titene ya ti akete kete bozo ti poro so ala su tënë ti Nzapa si azia na ya ni so akono, kamba so ala leke na yanga ti bongo ti ala aga kota.

Matthieu 6:16

“Tongana ala yeke ke kobe ti sambela, ala duti na vundu pepe tongana ti azo so tënë ti yanga ti ala ayeke nde na sarango ye ti ala: azo ni ayeke sara le ti ala kirikiri ti fa na azo atene, ala yeke ke kobe ti sambela. Mbi tene na ala taa-tënë: azo ni awara ti ala futa ni awe.

Matthieu 6:18

si azo ahinga pepe atene, mo yeke ke kobe. Me mo sara si gi Babâ ti mo ahinga tënë ni; Babâ ti mo so ayeke daa si zo alingbi ti baa lo pepe so. Lo yeke baa ye so mo yeke sara na hondengo ni si lo yeke mu ande na mo ye ti peko ni.”

Marc 2:19

Jésus atene na ala: “Azo so a tisa ala na matanga ti mungo tere ti koli na wali, fade ala lingbi ti ke kobe ti sambela na ndembe so koli ni ade na popo ti ala? Oko pepe! Tongana koli ti wali ni ade na popo ti ala, ala lingbi ti ke kobe pepe.

Nzoni Tënë so Luc asu na mbeti 18:12

Fani use na ya ti yenga oko, mbi yeke ke kobe ti sambela; ye so kue mbi yeke wara, mbi yeke mu *dime ni na mo.’

Rome 10:3

Lege so Nzapa aleke titene zo amu si lo ga mbirimbiri na le ti lo, azuife ahinga ni pepe, ala leke lege ti ala wani ti ga mbirimbiri. Tongaso ala ke lege so Nzapa aleke titene zo amu si lo ga mbirimbiri.