Marc 2:15 - Mbeti ti Nzapa - Tënë so amu fini

¹⁵ Na pekoni, Jésus ague ti te kobe na da ti Lévi. Azo ti rongo nginza ti lapo na azo ti siokpari mingi aduti na tere ti lo na adisiple ti lo. Amara ti azo mingi tongaso laa ayeke mu peko ti Jésus.

Marc 2:15 Iomraidhean Croise

Matthieu 5:46

Tongana ala ye gi azo so aye ala, nzoni ye ti nyen laa ala yeke wara na pekoni? Azo ti rongo nginza ti lapo ayeke sara nga gi tongaso pepe?

Marc 2:14

So lo yeke hon, lo baa Lévi, molenge ti Alfe, lo yeke duti na ndo so azo ayeke futa lapo daa. Jésus atene na lo: “Mu peko ti mbi!” Lévi alondo si lo mu peko ti Jésus.

Marc 2:16

So Jésus na azo ti rongo nginza ti lapo na azo ti siokpari ayeke te kobe, ambeni *farizien so ayeke awafango-ndia abaa lo si ala hunda adisiple ti lo, atene: “Ngbanga ti nyen si lo yeke te kobe na azo ti rongo nginza ti lapo na azo ti siokpari?”

Nzoni Tënë so Luc asu na mbeti 15:1

Azo ti rongo nginza ti lapo na azo ti siokpari aga nduru na tere ti Jésus ti ma lo.

Nzoni Tënë so Luc asu na mbeti 6:17

Jésus na *awatokua ti lo alondo na li ti hoto ni azu si lo luti na mbeni ndo so ayeke kpangbara. Adisiple ti lo mingi mingi ayeke kâ, ala na gba ti azo so asi singo. Azo ni alondo na ya ti agbata ti Judée kue, na Jérusalem, na agbata ti Tir na Sidon so ayeke na yanga ti kota ngu-ingo.