Marc 16:6 - Mbeti ti Nzapa - Tënë so amu fini

⁶ Maseka-koli ni atene na ala: “Mbeto asara ala pepe! Ala yeke gi Jésus ti Nazaret, lo so a fâ lo na ndö ti keke ti kroa; lo zingo na kuâ awe, lo yeke na ndo so pepe. Baa, ndo so a zia lo lani daa laa.

Marc 16:6 Iomraidhean Croise

Abia (Psaumes) 71:20

Mo so mo sara si aye ti ngangu na aye ti vundu mingi asi na mbi, me fade mo yeke kiri ti mu na mbi fini; mo yeke kiri ti zi mbi na ya ti kota du so ali mingi ti sigigi na mbi.

Amato 8:17

Mbi, mbi ye azo so aye mbi. Azo so ayeke gi mbi, fade ala yeke wara mbi.

Matthieu 12:40

Biani, tongana ti so Jonas asara lango ota na bi ota na ya ti kota susu, fade *Molenge ti Zo ayeke sara nga lango ota na bi ota na gbe ti sese.

Marc 1:24

lo tene: “Ti mo na e nyen, Jésus, zo ti Nazaret? Mo ga ti fâ e? Mbi hinga mo, mo yeke zo ti nzoni kue so Nzapa azia mo nde si lo tokua mo.”

Marc 1:27

Li ti azo ni kue akpe si ala hunda tere ti ala, atene: “So nyen! Mbeni fini fango ye ni laa tongana ti zo ti komandema so? Ataa asioni yingo, lo mu yanga na ala si ala yeke ma gi yanga ti lo!”

Marc 10:34

Ala yeke he lo, ala yeke tuku ngu ti yanga ti ala na tere ti lo, ala yeke pika lo na fimbo si ala yeke fâ lo. Lango ota na pekoni, fade lo yeke zingo na kuâ.”

Marc 14:33

Lo mu Pierre, Jacques na Jean na tere ti lo si lo na ala ague. Be ti lo ato nda ti do na mbeto si mbeto asara lo ahon ndoni.

Marc 9:15

Gi so azo ni abaa Jésus, li ti ala akpe si ala mu loro ti ga ti bara lo.

Nzoni Tënë so Luc asu na mbeti 24:46

Lo tene na ala: “A su na ya ti Mbeti ti Nzapa, atene: Fade *Mesii ayeke baa pasi si na lango ota ni, lo yeke zingo na kuâ.

Awatokua 2:24

Me Nzapa azingo lo na kuâ awe, lo zi lo na ya ti pasi ti kuâ, ngbanga ti so kuâ ayeke na ngangu pepe ti gbanzi lo.

Awatokua 4:10

Ala na azo ti Israel kue, alingbi ala hinga atene, Jésus Christ, zo ti Nazaret, lo so ala fâ lo na ndö ti keke ti kroa si Nzapa azingo lo na kuâ, ngangu ti iri ti lo laa asara si koli so aluti na popo ti ala na nzoni tere so.