Marc 16:13 - Mbeti ti Nzapa - Tënë so amu fini

¹³ Ala kiri si ala tene tënë ni na tanga ti adisiple ni, me ala yeda na tënë ti adisiple use so pepe.

Marc 16:13 Iomraidhean Croise

Matthieu 28:17

So ala baa lo, ala kuku na sese na gbe ti lo, me ambeni na popo ti ala adekite.

Marc 16:11

So ala ma a tene, Jésus ayeke na fini si Marie abaa lo, ala yeda na tënë ti lo pepe.

Marc 16:14

Ti hunzi na ni, Jésus afa tere ti lo na adisiple ti lo baleoko na oko na ndembe so ala yeke te kobe. Lo suku na ala, ngbanga ti so ala dekite, ala kpengba be ti ala si ala ke ti yeda na tënë ti azo so abaa lo na peko ti so lo zingo na kuâ.

Nzoni Tënë so Luc asu na mbeti 16:31

Abraham atene: ‘So ala ma Moïse na awayanga-Nzapa pepe so, tongana mbeni zo azingo na kuâ si ague, atene tënë na ala, ala lingbi ti yeda nga pepe.’ ”

Nzoni Tënë so Luc asu na mbeti 24:11

Me awatokua ni abaa tënë ti awali ni tongana abuba tënë si ala yeda na ni pepe.

Nzoni Tënë so Luc asu na mbeti 24:41

Be ti ala asi na ngia, ye so asara si ala ngba ti dekite, li ti ala kue akpe. Tongaso Jésus ahunda ala, atene: “Ala yeke na mbeni ye ti tengo ni na ndo so?”

Jean 20:25

Ambeni disiple ni atene na Thomas: “E baa *Kota Gbia!” Thomas akiri tënë na ala, atene: “Tongana mbi baa ka ti pondi na ya ti amaboko ti lo pepe, mbi yoro li ti maboko ti mbi daa pepe si mbi yoro maboko ti mbi na ya ti ka ti kate ti lo pepe, mbi yeke ma na be oko pepe.”

Jean 20:8

Tongaso, mbeni disiple ni, lo so asi fade na du ti kuâ kozoni so, lo li, lo baa si lo ma na be.