Marc 16:12 - Mbeti ti Nzapa - Tënë so amu fini

¹² Na pekoni, Jésus amu mbeni tere nde si lo fa tere ti lo na adisiple ti lo use so amu lege ti gue na yaka.

Marc 16:12 Iomraidhean Croise

Marc 16:14

Ti hunzi na ni, Jésus afa tere ti lo na adisiple ti lo baleoko na oko na ndembe so ala yeke te kobe. Lo suku na ala, ngbanga ti so ala dekite, ala kpengba be ti ala si ala ke ti yeda na tënë ti azo so abaa lo na peko ti so lo zingo na kuâ.

Nzoni Tënë so Luc asu na mbeti 9:29

So lo yeke sambela, le ti lo aga nde si bongo ti lo avuru aza tongana wâ ti bekpa.

Jean 21:1

Na pekoni, Jésus akiri asi na adisiple ti lo na yanga ti kota ngu ti Tiberiade. Lege so Jésus asi na ni ayeke so:

Jean 21:14

Lege ota titene Jésus asi na adisiple ti lo na peko ti zingongo ti lo na kuâ laa.

Awatokua 1:3

Na peko ti kuâ ti lo, lo fa tere ti lo na ala na alege nde nde si lo fa na ala biani so lo yeke na fini. Na ya ti lango baleosio, lo si na ala si lo fa na ala tënë na ndö ti *Kodro-gbia ti Nzapa.