Marc 16:1 - Mbeti ti Nzapa - Tënë so amu fini

¹ So *lango ti wungo tere ahon awe, Marie ti kodro ti Magdala na Marie, mama ti Jacques na ti Salome avo ayombo titene ala gue, azia na tere ti kuâ ti Jésus.

Marc 16:1 Iomraidhean Croise

Tongo nda ti aye 50:2

Na pekoni, lo mu yanga na awanganga so ayeke sara kua na lo titene ala sara yoro ti zia na tere ti kuâ ti babâ ti lo ti bata ni si abuba pepe. Awanganga ni asara ni.

2 Mbai 16:14

A lu lo na ya ti du ti kuâ so lo mu yanga si a zi ni na Gbata ti David. A zia kuâ ti lo na ndö ti mbeni gbogbo so asi singo na ayombo nde nde so awalekengo-yombo laa aleke ni na kode ti ala. A zö gba ti yombo ndali ti lo.

Marc 14:3

Jésus ayeke na Betanii, na ya ti da ti Simon, zo ti buruma. So lo duti si lo yeke te kobe, mbeni wali ali na mbeni ngbenda so a sara ni na mbeni têne so iri ni albatre si yombo ti ngangu ngere ayeke na ya ni. A sara yombo ni na ngu ti mbeni kete keke so iri ni nare. Lo fâ ya ti ngbenda ni si lo tuku yombo ni na li ti Jésus.

Marc 14:8

Lo sara ye so lo lingbi ti sara: lo tuku yombo na tere ti mbi kozoni ti ku na lango ti lungo kuâ ti mbi.

Marc 15:40

Ambeni wali nga ayeke daa, ala luti ti ala yongoro si ala yeke baa ye ni. Marie ti kodro ti Magdala ayeke na popo ti awali ni so, lo na Marie, mama ti Jacques Kete na ti Yozes, na Salome.

Marc 15:42

Na lango ni so, azo ayeke leke aye ndali ti lango ti matanga. Na lakui ni, titene ndade si *lango ti wungo tere asi,

Marc 15:47

Marie ti kodro ti Magdala na Marie, mama ti Yozes ayeke baa ndo so ala yeke zia Jésus daa.

Marc 16:2

Na kota ndaperere ti layenga, so lâ alondo awe, ala gue na du ti kuâ ni.

Marc 16:8

Tongaso ala sigigi na ya ti du ti kuâ ni si ala kpe, ngbanga ti so ala kue ayeke do na mbeto. Ala tene tënë ni na zo oko pepe, ngbanga ti so mbeto asara ala. [

Nzoni Tënë so Luc asu na mbeti 23:54

Lango ni so ayeke lango ti lekengo aye ndali ti lango ti matanga; *lango ti wungo tere aga nduru awe.

Nzoni Tënë so Luc asu na mbeti 23:56

Na pekoni, ala kiri na ya ti gbata ni si ala leke ayombo na aye so azo ayeke zia na tere ti kuâ. Na lango ti wungo tere, ala duti ti wu tere ti ala tongana ti so atënë ti ndia afa.

Nzoni Tënë so Luc asu na mbeti 24:1

Na kota ndaperere ti layenga, awali ni amu ayombo so ala leke ni ti zia na tere ti kuâ, ague na ni na du ti kuâ ti Jésus.

Jean 19:25

Mama ti Jésus, na ita ti mama ti lo, na Marie, wali ti Klopas nga na Marie ti kodro ti Magdala ayeke luti nduru na tere ti keke ti kroa ti Jésus.

Jean 19:31

Lango ni ayeke lango ti lekengo tere ndali ti *lango ti wungo tere. Azuife aye ka titene akuâ angba na ndö ti akeke ti kroa na lango ti wungo tere pepe. Andaa lango ti wungo tere ni ayeke mbeni kota lango mingi. Tongaso ala gue, ahunda Pilate ti mu yanga titene a kungbi agere ti akoli so a kanga ala na ndö ti akeke ti kroa so si ala zi akuâ ni na ndö ti akeke ti kroa ni.