Marc 15:8 - Mbeti ti Nzapa - Tënë so amu fini

⁸ Gba ti azo ni ague na ndo ti Pilate si ala hunda na lo titene lo sara ye so lo yeke sara lakue na ala so.

Marc 15:8 Iomraidhean Croise

Sigingo 12:6

Ala yeke bata nyama ni ngbii asi na lango baleoko na osio ti nze ni. Na lakui ti lango ni so, bongbi ti azo ti Israel kue ayeke fâ go ti nyama ni.

Matthieu 27:15

Lakue na *matanga ti Pake, govoronere ayeke zi mbeni zo ti kanga oko, lo so be ti azo ti kodro ni aye titene a zi lo na kanga.

Marc 10:1

Na pekoni, Jésus alondo na ndo so si lo gue na sese ti Judée, na mbage ti ngu ti Jourdain. Gba ti azo akiri abongbi na tere ti lo si lo to nda ti fa ye na ala tongana ti so lo yeke sara lakue.

Marc 15:7

Andaa, mbeni koli so iri ti lo Barabas, lo na ambeni zo so asara wusuwusu na ya ti kodro ayeke na da ti kanga, ngbanga ti so ala fâ mbeni zo na ya ti wusuwusu ni.

Marc 15:9

Pilate ahunda ala, atene: “Ala ye mbi zi na ala gbia ti azuife?”