Marc 15:46 - Mbeti ti Nzapa - Tënë so amu fini

⁴⁶ Joseph avo mbeni kota vuru bongo. Lo zi kuâ ti Jésus na ndö ti keke ti kroa, lo kanga ni na kota vuru bongo ni si lo gue, lo lu ni na ya ti du ti kuâ so a zi ni na ya ti têne. Na pekoni, lo mu mbeni kota têne si lo kanga na yanga ti du ti kuâ ni.

Marc 15:46 Iomraidhean Croise

Ésaïe 22:16

Nyen laa mo yeke na ni ge, nyen? Zo wa laa ayeke sewa ti mo ge si mo zi du ti kuâ ndali ti mo, mo leke ni ngbii asi na nduzu, mo zi ndangba ndo ti lango ti mo na ya ti têne so?

Ésaïe 53:9

A zia lo na du ti kuâ legeoko na azo ti sioni; a lu lo na ndo ti azo ti mosoro, ataa so lo sara sioni oko pepe, ataa so tënë ti mvene asigigi na yanga ti lo oko pepe.

Matthieu 28:2

Mo ye ti baa, sese ayingi ngangu mingi; *ange ti *Kota Gbia alondo na yayu azu na sese, lo pusu têne ti yanga ti du ni si lo duti na ndö ni.

Marc 15:45

So lo ma tënë ti turugu ni awe, lo yeda na Joseph ti mu kuâ ni.

Marc 15:47

Marie ti kodro ti Magdala na Marie, mama ti Yozes ayeke baa ndo so ala yeke zia Jésus daa.

Nzoni Tënë so Luc asu na mbeti 23:53

Lo zi kuâ ni na ndö ti keke ti kroa, lo kanga na vuru bongo si lo lu ni na ya ti mbeni du so a zi na ya ti têne so ade a lu zo daa pepe.

Jean 11:38

Vundu akiri agbu be ti Jésus si lo gue na du ti kuâ ni. Du ti kuâ ni ayeke na ya ti mbeni kota du ti têne si a kanga yanga ni na mbeni kota têne.

Jean 11:41

Tongaso ala zi têne ni. Jésus ayo le ti lo na nduzu si lo tene: “Babâ, mbi mu singila na mo, ngbanga ti so mo ma mbi awe.

Jean 20:1

Na ndaperere ti layenga, so ndo angba ti vuko, Marie ti kodro ti Magdala ague na du ti kuâ ni. Lo baa so a zi têne ti yanga ti du ti kuâ ni awe.