Marc 15:40 - Mbeti ti Nzapa - Tënë so amu fini

⁴⁰ Ambeni wali nga ayeke daa, ala luti ti ala yongoro si ala yeke baa ye ni. Marie ti kodro ti Magdala ayeke na popo ti awali ni so, lo na Marie, mama ti Jacques Kete na ti Yozes, na Salome.

Marc 15:40 Iomraidhean Croise

Abia (Psaumes) 38:11

Be ti mbi ayeke pika ngangu, ngangu ahunzi na mbi awe; le ti mbi avuko, mbi yeke baa ndo tuuu.

Matthieu 10:3

Philippe na Barthélemy; Thomas na Matthieu so lo yeke zo ti rongo nginza ti lapo; Jacques, molenge ti Alfe na Tade;

Matthieu 13:55

Molenge ti sarapande so laa pepe? Marie laa ayeke mama ti lo pepe? Jacques, Joseph, Simon na Jude ayeke a-ita ti lo ti koli pepe?

Matthieu 27:61

Marie ti kodro ti Magdala na mbeni Marie ayeke nga kâ; ala duti si ala yeke baa ndo na yanga ti du ti kuâ ni.

Matthieu 28:1

Na peko ti *lango ti wungo tere, na ndaperere ti layenga, Marie ti kodro ti Magdala na mbeni Marie ni aga ti baa du ti kuâ ni.

Marc 15:47

Marie ti kodro ti Magdala na Marie, mama ti Yozes ayeke baa ndo so ala yeke zia Jésus daa.

Marc 16:1

So *lango ti wungo tere ahon awe, Marie ti kodro ti Magdala na Marie, mama ti Jacques na ti Salome avo ayombo titene ala gue, azia na tere ti kuâ ti Jésus.

Marc 16:9

Na peko ti so Jésus azingo na kuâ awe, na ndaperere ti layenga, lo si kozoni na Marie ti kodro ti Magdala, wali so lo tumba lani asioni yingo mbarambara na ya ti lo.

Nzoni Tënë so Luc asu na mbeti 19:3

Lo yeke gi lege ti baa Jésus ti hinga lo, me lo lingbi ti baa Jésus pepe, ngbanga ti so azo ayeke gbani si lo yeke ti lo nduru zo.

Nzoni Tënë so Luc asu na mbeti 23:49

Azo so kue aye Jésus, ala na awali so alondo na Galile si aga na peko ti lo, ala luti ti ala yongoro si ala yeke baa ye ni.

1 Korente 9:5

E lingbi fade ti mu wali so ayeke zo ti Christ na tere ti e na ya ti atambula ti e pepe? Atanga ti awatokua, a-ita ti Kota Gbia na Pierre ayeke sara ni!

Galasii 1:19

Mbi baa mbeni watokua nde pepe, me zo so mbi baa lo ayeke gi Jacques, ita ti *Kota Gbia.

Jacques 1:1

Mbi Jacques, zo ti kua ti Nzapa na ti *Kota Gbia Jésus Christ; mbi tokua mbeti so na amara baleoko na use ti azuife so akangbi na ya ti akodro nde nde. Mbi bara ala kue.