Marc 15:32 - Mbeti ti Nzapa - Tënë so amu fini

³² Ayeke nzoni *Mesii ni, gbia ti Israel, alondo fadeso na ndö ti keke ti kroa ni azu na sese, e baa! Tongaso, fade e ma na be na lo.” Ala so a kanga ala na ndö ti akeke ti kroa na tere ti Jésus ayeke zonga nga lo.

Marc 15:32 Iomraidhean Croise

Ésaïe 44:6

*KOTA GBIA, Gbia ti Israel, lo so lo yeke zi azo ti lo, lo so lo yeke na ndö ti dunia kue, tënë so lo tene ayeke so: “Mbi yeke kozoni, mbi yeke ndangba ni. Mbeni Nzapa nde ayeke pepe, gi mbi oko.

Sofonii 3:15

Ngbanga so *KOTA GBIA aye ti fâ na li ti ala so, lo zia ni awe; lo tumba awato ti ala yongoro awe. KOTA GBIA, gbia ti Israel, ayeke na popo ti ala, mbeni ye ti sioni ayeke kiri ti zia mbeto na be ti ala pepe.

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Matthieu 1:17

Ti londo na Abraham ngbii asi na David, na lege ti molongo ti dungo ni, azo ayeke baleoko na osio. Ti londo na David ngbii asi na ngoi so a gbu amolenge ti Israel si ague na ala na sese ti Babilone, na lege ti molongo ti dungo ni, azo ayeke baleoko na osio. Ti londo na ngoi so a gbu ala ti gue na ala na kodro wande ngbii asi na Mesii, na lege ti molongo ti dungo ni, azo ayeke baleoko na osio.

Matthieu 27:42

“Lo soo ambeni zo na kuâ, me lo lingbi ti soo tere ti lo wani pepe! So gbia ti Israel ni laa? Lo londo fadeso na ndö ti keke ti kroa, lo zu na sese si fade e ma na be na lo.

Matthieu 27:44

Ataa azo ti sarango sioni so a kanga ala na keke ti kroa na tere ti lo ayeke zonga lo gi tongaso nga.

Marc 15:26

Na li ti keke ti kroa ni, ala su mbeni mbeti ti fa nda ti ngbanga so a fâ na li ti lo; mbeti ni atene: “Gbia ti azuife.”

Marc 15:27

Na tere ti Jésus, ala kanga asioni zo use na ndö ti akeke ti kroa, oko na mbage ti maboko ti lo ti koli, oko na mbage ti maboko ti lo ti wali. [

Jean 1:49

Natanael atene na lo: “Wafango-ye, mo yeke Molenge ti Nzapa! Mo yeke gbia ti Israel!”

Jean 12:13

Tongaso ala mu amaboko ti akeke ti mburu si ala gue ti wara lo na lege. Ala dekongo, atene: “E gonda Nzapa! Ayeke nzoni Nzapa asara tufa na ndö ti lo so aga na iri ti *Kota Gbia; lo yeke gbia ti Israel!”

Rome 3:3

Nyen? So ambeni zuife ake ti bata tënë ti yanga ti lo so, so laa akanga lege na Nzapa ti bata tënë ti yanga ti lo?

2 Timothée 2:18

Azo ni so azia lege ti taa-tënë awe si ala yeke tene na azo atene, zingongo ti akuâ ayeke mbeni ye so ahon awe. Na lege ti tënë ti ala, ala yeke kinda mabe ti azo mingi.