Marc 15:19 - Mbeti ti Nzapa - Tënë so amu fini

¹⁹ Ala pika li ti lo na sosongo, ala tuku ngu ti yanga ti ala na tere ti lo si ala kuku akpo li ti ala na sese na gbe ti lo.

Marc 15:19 Iomraidhean Croise

Tongo nda ti aye 24:52

So zo ti kua ti Abraham ama tënë so, lo kuku, lo kpo li ti lo na sese na gbe ti KOTA GBIA.

Tongo nda ti aye 43:28

Ala kiri tënë: “Babâ ti e, zo ti gbe ti mo, angba na fini. Lo yeke nzoni.” Ala ba, akuku akpo li ti ala na sese na gbe ti lo.

1 Agbia 19:18

Me fade mbi yeke bata azo saki mbarambara na Israel; azo ni ayeke azo so kue akuku na gbe ti nzapa *Baal pepe, ala su gere ti lo pepe.”

Mbeti ti Job 13:9

Tongana lo gi fade nda ti tënë ti be ti ala, ka asara nzoni na ala? Ala ye ti handa lo tongana ti so zo ayeke handa mba ti lo zo?

Abia (Psaumes) 69:12

Mbi yu bongo ti mua, mbi ga ye ti ngia ti ala.

Ésaïe 45:23

Mbi deba na iri ti mbi wani, tënë so asigigi na yanga ti mbi ayeke taa-tënë; mbi yeke sanze ye oko daa pepe: fade azo ayeke kuku na gbe ti mbi, azo kue ayeke deba yanga ti ala na iri ti mbi.

Ésaïe 49:7

Mo so lani azo abaa mo tongana mbumbuse zo, so be ti azo kue ake mo, mo so mo yeke ngbaa ti azo ti sarango ngangu na zo, *KOTA GBIA, lo so lo zi azo ti lo, Nzapa ti Israel so ayeke nde si ayeke nzoni kue, tënë so lo tene na mo ayeke so: “Tongana agbia ayeke baa ande mo, ala yeke londo na ndö ti mbata ti ala; tongana amakonzi ayeke baa mo, ala yeke kuku akpo li ti ala na sese na dawa ti mo.” Ye ni ayeke si ndali ti KOTA GBIA so ayeke sara ye alingbi na tënë ti yanga ti lo, ndali ti Nzapa ti Israel so ayeke nde si ayeke nzoni kue, lo so lo soro mo.

Ésaïe 50:6

Mbi zia peko ti mbi na azo so ayeke pika mbi, mbi yoro ngbangba ti mbi na azo so ayeke gboto kua ti yanga ti mbi. Azo so ayeke zonga mbi si ala yeke tuku ngu ti yanga na le ti mbi, mbi honde le ti mbi na ala pepe.

Ésaïe 52:14

Na bango lo, azo mingi asara mbeto ahon ndoni, ngbanga ti so a buba ndö ti le ti lo; lo kiri lo kpa zo pepe.

Mishe 5:1

*KOTA GBIA atene: “Mo, Betlehem Efrata, mo yeke kete kodro mingi na popo ti akodro ti mara ti Juda. Me zo so ayeke ga gbia ti azo ti Israel, lo yeke sigigi ande na ya ti mo. Nda ti lo ato nda ni ando giriri, yongoro kâ.”

Matthieu 27:30

Ala tuku ngu ti yanga ti ala na tere ti lo, ala mu sosongo ni si ala pika na li ti lo.

Marc 10:34

Ala yeke he lo, ala yeke tuku ngu ti yanga ti ala na tere ti lo, ala yeke pika lo na fimbo si ala yeke fâ lo. Lango ota na pekoni, fade lo yeke zingo na kuâ.”

Marc 14:65

Ambeni zo ato nda ti tuku ngu ti yanga ti ala na tere ti lo, ala kanga le ti lo, ala kpo lo na gobo si ala tene na lo: “Sara tongana wayanga-Nzapa: fa na e zo so asara ye so na mo.” Azo ti kua ni amu Jésus si ala pika ngbangba ti lo fani mingi.

Marc 15:18

Na pekoni, ala to nda ti bara lo, atene: “E bara mo, gbia ti azuife!”

Marc 15:20

So ala zia lege ti hengo lo awe, ala zi bengba bongo ni na tere ti lo si ala yu na lo bongo ti lo wani. Na pekoni, ala sigigi na lo ti gue ti fâ lo na ndö ti keke ti kroa.

Marc 9:12

Lo kiri tënë na ala: “Taa-tënë, alingbi Élie aga kozoni ti leke ye kue na legeni. Me ngbanga ti nyen laa Mbeti ti Nzapa atene nga atene: ‘Fade Molenge ti Zo ayeke baa pasi si azo ayeke baa lo tongana senge zo so?’

Nzoni Tënë so Luc asu na mbeti 22:63

Azo so ayeke bata Jésus ahe lo si ala pika nga lo.

Nzoni Tënë so Luc asu na mbeti 23:11

Herode na aturugu ti lo ahe Jésus na ngia si ala sara lo tongana buba zo. Ala yu na lo mbeni bongo so aza zango si ala kiri atokua lo na Pilate.

Nzoni Tënë so Luc asu na mbeti 23:36

Aturugu nga ayeke he lo; ala ga nduru, ala mu na lo kpingo vin si ala tene:

Rome 11:4

Me tënë ti nyen laa Nzapa akiri na ni na lo? Nzapa atene: “Azo saki mbarambara ayeke daa, mbi bata ala ndali ti mbi wani, ala yeke azo so ake ti kuku na gbe ti nzapa *Baal.”

Filipe 2:10

Tongaso, ala so ayeke na yayu, ala so ayeke na sese, ala so ayeke na gbe ti sese akuku na likunu ti ala ti gonda iri ti Jésus

Ahebro 13:13

Tongaso, e nga, e sigigi na ya ti gbagba ni, e gue na peko ti lo titene azo abongbi e na lo kue abaa e tongana azo ti buba.