Marc 14:72 - Mbeti ti Nzapa - Tënë so amu fini

⁷² Gi na ndembe ni, koli-kondo atoto ti fani use. Tongaso Pierre adabe ti lo na tënë so lani Jésus atene na lo, atene: “Kozo titene koli-kondo atoto fani use, fade mo yeke bere tënë ti mbi fani ota.” Tongaso Pierre ati na toto.

Marc 14:72 Iomraidhean Croise

2 Samuel 24:10

Na peko ti so David adiko wungo ti azo, be ti lo apika kpu kpu kpu. Lo tene na *KOTA GBIA, lo tene: “Ye so mbi sara so ayeke sioni mingi. Mbi hinga, mbi tene, mbi sara ye tongana zo so li ti lo ayeke daa pepe. Fadeso, KOTA GBIA, mo zi siokpari so na li ti mbi, zo ti kua ti mo.”

Ezekiel 16:63

Tongaso, fade mo yeke dabe ti mo na ngoi so ahon; kamene ayeke sara mo si mo yeke kiri ti zi yanga pepe ndali ti gba ti kamene so agbu le ti mo na ndembe so mbi yeke zi na li ti mo sioni so kue mo sara. So tënë ti yanga ti Kota Gbia NZAPA laa.”

Ezekiel 36:31

Na ndembe ni so, fade ala yeke dabe ti ala na sioni lege ti dutingo ti ala nga na asioni sarango ye ti ala; fade li ti ala ayeke ne na kamene ndali ti asiokpari ti ala nga ndali ti asioni ye so ala sara si zo alingbi ti baa na le ti lo fani use pepe so.

Ezekiel 7:16

Azo so ayeke ngba na fini ayeke kpe ti gue na li ti ahoto. Tongana ti so *ambipa ti apopo-hoto so ayeke dema, zo oko oko ayeke dema ndali ti sioni ti lo.

Matthieu 26:34

Jésus akiri tënë na lo: “Mbi tene na mo taa-tënë: gi na bi so, kozo titene koli-kondo atoto, fade mo yeke bere tënë ti mbi fani ota.”

Marc 14:30

Jésus akiri tënë na lo: “Mbi tene na mo taa-tënë: laso, gi na bi so, kozo titene koli-kondo atoto fani use, fade mo yeke bere tënë ti mbi fani ota.”

Marc 14:68

Me lo bere si lo tene: “Mbi hinga tënë so mo ye ti tene so pepe, mbi gi li ti mbi na ni gbaa!” Na pekoni, lo sigigi na ya ti gbagba ni ti gue na mbage ti yanga ti gbagba ni. Tongaso koli-kondo atoto.

Marc 14:71

Tongaso Pierre ato nda ti deba yanga ti lo, atene: “Ayeke nzoni Nzapa afâ ngbanga na li ti mbi tongana mbi tene mvene! Mbi hinga koli so ala yeke tene tënë ti lo so pepe!”

Nzoni Tënë so Luc asu na mbeti 22:60

Pierre akiri tënë na lo, atene: “Mbi gi li ti mbi na tënë ti mo ni gbaa!” Gi so tënë angba na yanga ti lo, koli-kondo atoto.

Nzoni Tënë so Luc asu na mbeti 22:62

Pierre asigigi si lo toto ngangu mingi.

2 Korente 7:10

Vundu so Nzapa ayeda na ni ayeke sara titene zo azia ngbene lege ti sarango ye ti lo si lo lingbi ti soo kuâ. Mara ti vundu so, be ti zo alingbi ti so daa pepe. Me vundu so asara si zo azia ngbene lege ti sarango ye ti lo pepe, ni laa ayeke gue na zo na kuâ.