Marc 14:70 - Mbeti ti Nzapa - Tënë so amu fini

⁷⁰ Pierre akiri abere. Kete na pekoni, azo so ayeke kâ, akiri atene na Pierre: “Biani, mo yeke mbeni zo ti ala, ngbanga ti so, mo nga, mo yeke zo ti Galile.”

Marc 14:70 Iomraidhean Croise

Marc 14:68

Me lo bere si lo tene: “Mbi hinga tënë so mo ye ti tene so pepe, mbi gi li ti mbi na ni gbaa!” Na pekoni, lo sigigi na ya ti gbagba ni ti gue na mbage ti yanga ti gbagba ni. Tongaso koli-kondo atoto.

Marc 14:69

Wali so abaa Pierre si akiri atene na azo so ayeke kâ, atene: “Taa-tënë, koli so ayeke mbeni zo ti ala!”

Marc 14:71

Tongaso Pierre ato nda ti deba yanga ti lo, atene: “Ayeke nzoni Nzapa afâ ngbanga na li ti mbi tongana mbi tene mvene! Mbi hinga koli so ala yeke tene tënë ti lo so pepe!”

Awatokua 2:7

Li ti ala kue akpe, be ti ala ado si ala tene: “Azo so ayeke tene tënë so, ala kue ayeke azo ti Galile pepe?

Awafango-ngbanga 12:6

ala yeke mu yanga na lo ti tene: “Shibolet”. Zo so atene: “Sibolet”, andaa lo tene ni na legeni pepe, ngbanga ti so tenengo ni akara lo. Tongaso, ala yeke gbu lo, ala fâ lo na ndo so a yeke fâ ngu ti Jourdain daa na gere so. Azo ti Efraim saki baleosio na use akui na ngoi ni so.