Marc 14:61 - Mbeti ti Nzapa - Tënë so amu fini

⁶¹ Me Jésus azi yanga pepe, lo kiri tënë oko pepe. Kota wayango-sandaga ni akiri ahunda lo, atene: “Mo laa mo yeke *Mesii, Molenge ti Nzapa, lo so azo ayeke gonda lo so?”

Marc 14:61 Iomraidhean Croise

Abia (Psaumes) 119:12

KOTA GBIA, mbi mu singila na mo! Fa na mbi ambela ti mo.

Abia (Psaumes) 2:7

“Mbi ye ti fa peko ti mbela ti KOTA GBIA: lo tene na mbi, lo tene: ‘Mo yeke molenge ti mbi; laso mbi ga babâ ti mo awe.

Abia (Psaumes) 39:9

Zi mbi na ya ti asiokpari ti mbi kue; mo zia lege pepe na abuba zo ti zonga mbi.

Ésaïe 53:7

Azo asara ngangu na lo, lo sara tere ti lo kete, lo zi yanga oko pepe. Lo yeke tongana kete taba so a yeke gue na lo na ndo ti fango anyama; lo yeke tongana taba so ayeke buburu na dawa ti azo ti fango kua ti tere ti lo, lo zi yanga oko pepe.

Matthieu 16:16

Simon Pierre akiri tënë: “Mo yeke *Mesii, Molenge ti Nzapa so ayeke na fini.”

Matthieu 3:17

Mbeni go alondo na yayu si atene: “So ayeke Molenge ti mbi so mbi ye lo mingi, be ti mbi anzere na lo mingi.”

Matthieu 8:29

Ala dekongo, atene: “Mo, Molenge ti Nzapa! Ti mo na e nyen? Mo ga ti sara pasi na e kozoni si lango ni asi?”

Marc 14:60

Tongaso kota wayango-sandaga alondo na le ti azo kue si lo hunda Jésus, atene: “Mo yeke na tënë ti kiri na ni pepe? Tënë so azo so ayeke tene na tere ti mo so, mo tene ti mo daa nyen?”

Marc 15:2

Pilate ahunda lo, atene: “Mo yeke gbia ti azuife?” Jésus akiri tënë na lo, atene: “Ni laa mo tene so.”

Jean 1:34

Mbi Jean, mbi baa ye so, nilaa mbi tene na azo kue, mbi tene: koli so ayeke Molenge ti Nzapa.”

Jean 10:24

Azuife abongbi na tere ti lo, ala hunda lo, atene: “Mo ye e ku mo ngbii asi lawa si mo tene na e taa-tënë so? Tongana mo yeke *Mesii ni, tene na e polele ma!”

Jean 10:36

Me ti mbi, Babâ ti mbi azia mbi nde si lo tokua mbi na ndö ti dunia so. Ngbanga ti nyen laa ala tene: ‘Mo yeke zonga Nzapa!’ Ngbanga ti so mbi tene: ‘Mbi yeke Molenge ti Nzapa’ so?

Jean 18:37

Pilate ahunda lo, atene: “Ye ni, mo yeke gbia?” Jésus akiri tënë: “Gi tënë ni laa mo tene awe so: mbi yeke gbia. A du mbi si mbi ga na dunia so ti fa ye na ndö ti taa-tënë na azo. Zo so ayeke zo ti taa-tënë, fade lo yeke ma tënë ti mbi.”

Jean 19:7

Azuife akiri tënë na lo: “Mbeni ndia ti e ayeke daa; na lege ti ndia ni so, lo lingbi na kuâ, ngbanga ti so lo tene, ni yeke Molenge ti Nzapa.”

Jean 19:9

Lo kiri lo li na da si lo hunda Jésus, lo tene: “Mo londo ti mo na ndo wa?” Me Jésus akiri tënë na lo pepe.

Awatokua 8:32

Kamba ti tënë so lo yeke diko so atene: “A gue na lo tongana mbeni taba so azo ayeke gue na lo na ndo ti fango anyama; a gue na lo tongana molenge ti taba so ayeke buburu na gbe ti zo so ayeke fâ kua ti tere ti lo. Lo zi yanga ti lo oko pepe.

1 Timothée 1:11

Tënë so alingbi na Nzoni Tënë so Nzapa azia na maboko ti mbi; tënë ni ayeke tënë ti Nzapa, lo so alingbi na gonda si azo ayeke tene nzoni tënë ti lo.

1 Timothée 6:15

Lo yeke kiri ande na ngoi so Nzapa wani afa. Nzapa oko so ayeke na ndö ti aye kue, azo ayeke tene nzoni tënë ti lo, lo yeke Gbia ti agbia, Kota Gbia ti akota gbia.

1 Pierre 2:23

Azo azonga lo, me lo kiri na zonga ni pepe; azo asara pasi na lo, me lo be le na ala pepe, lo zia be ti lo kue na ndö ti Nzapa so ayeke fâ ngbanga na legeni.