Marc 14:54 - Mbeti ti Nzapa - Tënë so amu fini

⁵⁴ Pierre ague na peko ti Jésus, me lo yeke gue nduru nduru pepe; lo gue ngbii lo li na ya ti gbagba ti kota wayango-sandaga ni. Kâ, lo na azo ti kua ayeke duti na tere ti wâ.

Marc 14:54 Iomraidhean Croise

1 Agbia 19:13

Gi so Élie ama go ni so, lo mu kota bongo ti lo si lo kanga na le ti lo. Lo sigigi na ya ti kota du ni si lo luti na yanga ni. Lo ma mbeni go so atene na lo: “Élie, nyen laa mo yeke sara ge, nyen?”

1 Agbia 19:9

So Élie asi na hoto ti Horeb awe, lo li na ya ti mbeni kota du ti têne si lo lango daa. Kâ, tënë ti *KOTA GBIA asi na lo, atene: “Élie, nyen laa mo yeke sara ge, nyen?”

Matthieu 26:3

Tongaso akota wayango-sandaga na *akangba ti azuife abongbi tere na ya ti gbagba ti kota wayango-sandaga so iri ti lo Kaife.

Matthieu 26:58

Pierre ague na peko ti Jésus, me lo yeke gue nduru nduru pepe; lo gue ngbii lo si na ya ti gbagba ti kota wayango-sandaga. Lo li si lo na azo ti kua ayeke duti na sese na ndo oko, lo yeke ku ti baa wala ye ni ayeke hunzi ande tongana nyen.

Marc 14:38

Ala lango pepe! Ala sambela si ala ti na ya ti ye ti tarango be pepe. Yingo ti zo ayeke na nzara ti sarango nzoni ye, me zo ni ayeke na ngangu pepe.”

Marc 14:66

So Pierre ayeke duti ti lo kâ na gbeni na ya ti gbagba ni, mbeni wali so ayeke sara kua na kota wayango-sandaga asi.

Nzoni Tënë so Luc asu na mbeti 22:44

So mbeto angba ti sara lo ahon ndoni, lo kiri lo sambela Nzapa ngangu. Gbiki asigigi na tere ti lo tongana angbongboro mene si ayeke yuru na sese.]

Nzoni Tënë so Luc asu na mbeti 22:54

Ala gbu Jésus si ala gue na lo na ya ti da ti kota wayango-sandaga. Pierre ague na peko ti ala, me lo gue nduru nduru pepe.

Jean 18:18

Andaa de ayeke sara, nilaa azo ti kua na aturugu asara wâ si ala yeke duti na tere ni ti tumba de na tere ti ala. Pierre nga ague, aluti na popo ti ala titene tere ti lo amu wâ.

Jean 18:25

Na ndembe so Simon Pierre angba ti luti kâ titene tere ti lo amu wâ, mbeni zo ahunda lo, atene: “Mo nga, mo yeke mbeni disiple ti koli so pepe?” Pierre abere, atene: “Ên-en, mbi yeke disiple ti lo pepe.”

1 Samuel 13:7

Ambeni afâ ngu ti Jourdain ague na mbage ti sese ti Gad na ti Galaad. Saul angba na Gilgal; azo so kue amu peko ti lo so, tere ti ala ayeke do na mbeto.