Marc 14:45 - Mbeti ti Nzapa - Tënë so amu fini

⁴⁵ Gi so Judas asi, lo ga nduru na tere ti Jésus; lo iri lo, lo tene: “Wafango-ye!” Na pekoni, lo su ngbangba ti lo.

Marc 14:45 Iomraidhean Croise

Ésaïe 1:3

Bagara ahinga wa ti lo; lele ahinga ndo so wa ti lo ayeke mu na lo kobe ti tengo ni daa. Me azo ti Israel ahinga ndo pepe, li ti azo ti mbi ayeke daa pepe.”

Malashii 1:6

Tënë so KOTA GBIA so ayeke na ndö ti dunia kue atene na ala, awayango-sandaga ayeke so: “Molenge-koli ayeke ne babâ ti lo, zo ti kua ayeke ne makonzi ti lo. Tongana mbi yeke Babâ ti ala, nengo mbi ni ayeke na ndo wa? Tongana mbi yeke Makonzi ti ala, kpengo mbeto ti mbi ni ayeke na ndo wa? Ti ala awayango-sandaga, ala yeke baa mbi tongana mbumbuse zo. Ala hunda mbi, atene: ‘E baa mo tongana mbumbuse zo tongana nyen?’

Marc 12:14

Ala ga si ala tene na lo: “Wafango-ye, e hinga so mo yeke tene gi taa-tënë; mo yeke sara kamene ti le ti zo pepe, ataa zo ni ayeke na kota ndo, me mo yeke fa taa-tënë na ndö ti lege ti sarango ye so Nzapa aye. Tene na e: *Ndia amu lege na e ti futa lapo na kota gbia ti Rome wala ti futa ni pepe? E lingbi ti futa ni wala e futa ni pepe?”

Marc 14:44

Judas, zo ti kango Jésus afa na azo ni ye so fade lo yeke sara; lo tene: “Zo so mbi yeke su ande ngbangba ti lo, andaa lo laa. Ala gbu lo, ala bata lo nzoni si ala gue na lo.”

Marc 14:46

Tongaso azo ni aga, ala zia maboko na ndö ti Jésus si ala gbu lo.

Nzoni Tënë so Luc asu na mbeti 6:46

“Ngbanga ti nyen laa ala yeke iri mbi: ‘*Kota Gbia, Kota Gbia’, me ala sara ye alingbi na tënë so mbi tene so pepe?

Jean 20:16

Jésus atene na lo: “Marie!” Marie abaa ndo na mbage ti lo si lo tene na yanga ti hebro, lo tene: “Rabuni!” Ndani atene: “Wafango-ye.”

Jean 4:31

Na ndembe so wali ni ahon, adisiple ti Jésus atene na lo: “Wafango-ye, te kobe!”