Marc 14:41 - Mbeti ti Nzapa - Tënë so amu fini

⁴¹ So lo kiri lo ga ti fani ota ni, lo tene na ala: “Ala ngba ti lango? Ala ngba ti wu tere ti ala? Alingbi awe! Ngbonga ni alingbi awe; a yeke mu *Molenge ti Zo ti zia lo na maboko ti azo ti siokpari.

Marc 14:41 Iomraidhean Croise

1 Agbia 18:27

Tongaso na bekombite, Élie ahe ala na ngia, lo tene: “Ala kiri adekongo ngangu si! Nzapa laa. Lo ngba ti gbu li ti lo na ndö ti ambeni kua! E hinga pepe, lo yeke daa pepe, lo gue na tambula na mbeni yongoro ndo, wala lo ngba ti lango; ayeke nzoni ala zingo lo!”

1 Agbia 22:15

Mishe aga na dawa ti gbia si gbia ahunda lo, atene: “Mishe, alingbi e gue, e tiri bira na gbata ti Ramot, na sese ti Galaad wala e zia lege ni?” Mishe akiri tënë na lo, atene: “Mo gue senge! Fade mo yeke so benda! Fade KOTA GBIA ayeke zia ni na maboko ti gbia.”

2 Agbia 3:13

Élisée atene na gbia ti Israel: “Ti mo na mbi nyen? Gue mo baa awayanga-nzapa ti babâ ti mo na ti mama ti mo!” Gbia ti Israel akiri tënë na lo: “Ên-en! KOTA GBIA laa aga na e, agbia ota so ge ti zia e na maboko ti azo ti Moab.”

Zo ti bongbingo azo 11:9

Maseka-koli, na ngoi so mo de maseka, mo sara ngia biani. Ayeke nzoni be ti mo aduti na ngia na ngoi ti maseka ti mo. Sara ye so be ti mo aye; sara ye so le ti mo abaa. Me ayeke nzoni mo hinga, mo tene, Nzapa ayeke iri ande mo na ngbanga ndali ti aye oko oko so mo sara.

Ezekiel 20:39

Ti ala, azo ti Israel, tënë so mbi Kota Gbia NZAPA, mbi tene ayeke so: Ayeke nzoni zo oko oko ague, avoro ayanda ti lo ma! Me na pekoni, e yeke baa wala ala yeke ngba ti ke yanga ti mbi. Tongaso, iri ti mbi so ayeke nde si ayeke nzoni kue, ala yeke kiri ti sara si aga sioni pepe na lege ti amatabisi ti ala nga na lege ti vorongo ayanda ti ala.

Matthieu 26:2

“Ala hinga kue, na ya ti lango use, fade *matanga ti Pake ayeke duti daa. Fade a yeke mu *Molenge ti Zo titene a fâ lo na ndö ti keke ti kroa.”

Marc 14:10

Tongaso Judas Iskariote, mbeni disiple oko na popo ti adisiple baleoko na use, ague, abaa akota wayango-sandaga ti ka Jésus na ala.

Marc 14:18

So ala yeke te kobe, Jésus atene na ala: “Mbi tene na ala taa-tënë: mbeni oko na popo ti ala so mbi na lo, e yeke te kobe oko, ayeke ka mbi.”

Marc 14:35

Lo gue yongoro kete, lo ti na sese si lo sambela titene tongana lege ayeke daa, ngbonga ti pasi so ahon yongoro na tere ti lo.

Marc 14:40

Lo kiri lo ga na mbage ti adisiple ti lo si lo wara ala na lango, ngbanga ti so lango ahon ndö ti ala. Ala hinga tënë so ala lingbi ti tene na lo pepe.

Marc 14:42

Ala londo, e gue! Baa, zo ti kango mbi asi awe!”

Marc 7:9

Lo kiri lo tene na ala: “Ala ke biani ti sara ye so Nzapa ahunda na ala si ala yeke bata gi andia ti akotara ti ala!

Marc 9:31

ngbanga ti so lo ngba ti fa ye na adisiple ti lo; lo tene na ala: “Fade a yeke zia *Molenge ti Zo na maboko ti azo titene ala fâ lo. Lango ota na pekoni, fade lo yeke zingo na kuâ.”

Jean 12:23

Jésus akiri tënë na ala, atene: “Ngbonga titene a gonda *Molenge ti Zo alingbi awe.

Jean 12:27

“Fadeso be ti mbi ayeke na siriri pepe. Fade mbi yeke tene nyen? Wala mbi tene: ‘Babâ, zi mbi na ya ti ngoi ti pasi so ayeke ga!’ Me ayeke ngbanga ti ngoi ti pasi so laa mbi ga.

Jean 17:1

Na peko ti tënë so, Jésus ayo le ti lo na nduzu si lo tene: “Babâ, ngbonga ni alingbi awe. Gonda Molenge ti mo si Molenge ti mo agonda mo.

Jean 7:30

Tongaso, ala gi lege ti gbu Jésus, me zo oko agbu lo pepe, ngbanga ti so ngbonga ti lo ade ti lingbi pepe.

Jean 8:20

Jésus atene atënë so na ndembe so lo yeke fa ye na ya ti kota da ti Nzapa, na ndo so a zia sanduku ti nginza daa. Zo oko agbu lo pepe, ngbanga ti so ngbonga ti lo ade ti lingbi pepe.

Awatokua 7:52

Wayanga-Nzapa wa laa akotara ti ala azia ti sara ngangu na lo? Akotara ti ala afâ azo so atene kozoni tënë ti gango ti Zo ti mbirimbiri. Fadeso, ala laa aka Zo ti mbirimbiri ni si ala fâ lo!

Awafango-ngbanga 10:14

Ala gue! Ala dekongo na anzapa so ala soro ala so ma! Anzapa ni asoo ala na ngoi so ala yeke na ya ti kpale ma!”