Marc 14:27 - Mbeti ti Nzapa - Tënë so amu fini

²⁷ Jésus atene na adisiple ti lo: “Fade ala kue ayeke zia mbi ti hon, ngbanga ti so Mbeti ti Nzapa atene: ‘Fade mbi yeke fâ wabatango-taba si ataba ni ayeke kangbi kirikiri.’

Marc 14:27 Iomraidhean Croise

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Matthieu 11:6

Ti lo nzoni, zo so azia lege ti mabe ti lo pepe ndali ti mbi!”

Matthieu 26:31

Tongaso, Jésus atene na adisiple ti lo: “Gi na bi so, fade ala kue ayeke zia mbi ti hon, ngbanga ti so Mbeti ti Nzapa atene: ‘Fade mbi yeke fâ wabatango-taba si ataba ni ayeke kangbi kirikiri.’

Jean 16:1

“Mbi tene tënë so na ala titene mabe ti ala ati pepe.

Jean 16:32

Baa, ngbonga ayeke ga si ngbonga ni alingbi awe so ala kue ayeke kangbi kirikiri, zo oko oko ayeke hon ti zia gi mbi oko. Me mbi yeke gi mbi oko pepe, ngbanga ti so Babâ ayeke na mbi.

2 Timothée 4:16

Na kozo ngbanga so lani a iri mbi daa, zo oko amu na mbi maboko pepe, azo kue azia mbi ahon. Ayeke nzoni Nzapa akiri peko ni na ala pepe!