Marc 14:21 - Mbeti ti Nzapa - Tënë so amu fini

²¹ Fade *Molenge ti Zo ayeke kui gi tongana ti so Mbeti ti Nzapa atene tënë ni na ndö ti lo. Me mawa na zo so ayeke ka Molenge ti Zo! Ti zo ni so, tongana a du lo fade pepe, ka ayeke nzoni mingi!”

Marc 14:21 Iomraidhean Croise

Tongo nda ti aye 3:15

Mbi yeke zia kangbi na popo ti mo na wali, na popo ti *ahale ti mo, na ala ti wali. Fade ahale ti wali ayeke zia ka na li ti mo si mo, mo yeke zia ka na ngbonda ti gere ti ala.”

Abia (Psaumes) 55:15

Mbi na mo, e yeke tene tënë ti be ti e lani na popo ti e, e yeke tambula legeoko ti gue na kota da ti Nzapa.

Ésaïe 52:14

Na bango lo, azo mingi asara mbeto ahon ndoni, ngbanga ti so a buba ndö ti le ti lo; lo kiri lo kpa zo pepe.

Daniel 9:24

A diko ngoi mbarambara fani balembarambara ndali ti azo ti mo nga ndali ti gbata ti mo so ayeke nde si ayeke nzoni kue. A diko ngoi ni titene sioni sarango ye na siokpari akai, titene a zi siokpari na li ti azo si mbirimbiri ti Nzapa angba lakue lakue, titene aye so zo abaa na ya ti mbeni ye tongana bango-li na tenengo peko ti tënë ti yanga ti Nzapa aga taa-tënë, titene kota da ti Nzapa so ayeke nde si ayeke nzoni kue, azo akiri azia ni nde ndali ti lo.

Daniel 9:26

Na peko ti ngoi baleomene na use so, fade a yeke fâ zo so a tuku mafuta na li ti lo so; zo oko ayeke mu maboko na lo pepe. Na pekoni mbeni makonzi ayeke londo, lo na aturugu ti lo ayeke ga ti buba gbata ni nga na ndo so a zia ni nde ndali ti Nzapa. Me na ndani, lango ti makonzi ni ayeke hunzi na lege ti ngonzo ti Nzapa so ayeke tuku na ndö ti lo. Me lo yeke sara bira ngbii asi na lango ti kuâ ti lo si lo yeke buba ndo kue alingbi na ye so a diko ndali ti lo.

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Matthieu 26:54

Tongana mbi iri a-ange ni, fade tënë ti Mbeti ti Nzapa ayeke ga taa-tënë tongana nyen? Mbeti ti Nzapa atene, fade ye ni ayeke duti tongaso.”

Matthieu 26:56

Me ye so kue asi tongaso si tënë ti yanga ti awayanga-Nzapa so a su na mbeti ando so aga taa-tënë.” Tongaso adisiple kue azia lo si ala kpe ahon.

Marc 14:20

Jésus atene na ala: “Ayeke mbeni oko ti adisiple baleoko na use, lo so mbi na lo, e yeke yoro maboko oko na ya ti sembe.

Marc 14:22

So ala yeke te kobe, Jésus amu mapa, lo mu singila na Nzapa; na pekoni lo fâ ya ni, lo mu na adisiple si lo tene: “Ala mu ni ate, so ayeke tere ti mbi.”

Marc 14:49

Lakue mbi yeke na popo ti ala na ya ti kota da ti Nzapa ti fa ye, me ala gbu mbi pepe. Ye so asi tongaso titene tënë ti Mbeti ti Nzapa aga taa-tënë.”

Nzoni Tënë so Luc asu na mbeti 22:22

*Molenge ti Zo ayeke gue ti lo tongana ti so Nzapa aleke awe; me mawa na zo so aka lo!”

Nzoni Tënë so Luc asu na mbeti 24:44

Na pekoni, lo tene na ala: “Na ndembe so mbi de na popo ti ala, mbi tene na ala, mbi tene: ayeke nzoni atënë so kue a su na ndö ti mbi na ya ti mbeti ti *Ndia ti Moïse, ti awayanga-Nzapa na ti Abia, aye ni asi alingbi na ni.”

Jean 19:28

Na pekoni, Jésus ahinga atene, fadeso ye kue ahunzi awe. Ti sara si tënë ti Mbeti ti Nzapa aga taa-tënë, lo tene: “Nzara ti ngu asara mbi!”

Awatokua 1:25

ti sara kua ti watokua na peko ti Judas so azia kua ni ti gue na ndo so alingbi na lo.”

Awatokua 2:23

A zia koli so na maboko ti ala, ala kanga lo na ndö ti keke ti kroa si ala fâ lo. Andaa Nzapa ahinga kozoni si lo leke na be ti lo awe.

Awatokua 4:27

“Biani, Herode na Ponse Pilate, ala na azo ti amara nde na azo ti Israel abongbi tere na ya ti gbata so, ala leke tënë na tere ti Jésus, zo ti kua ti mo so ayeke nde si ayeke nzoni kue so, lo so mo mu lo ti ga Mesii.