Marc 14:2 - Mbeti ti Nzapa - Tënë so amu fini

² Ala tene na popo ti ala: “Alingbi e gbu lo na lango ti matanga pepe, ngbanga ti azo atomboka.”

Marc 14:2 Iomraidhean Croise

Amato 19:21

Apialo asi singo na ya ti be ti zo; me ye so KOTA GBIA aleke na be ti lo ti sara, ni laa ayeke si.

Amato 21:30

Ataa ndara ti zo, ataa hingango ye ti zo, ataa gbungo-li ti zo, aye so kue ayeke ye oko pepe na le ti KOTA GBIA.

Abia ti demango tere 3:27

Ayeke nzoni zo ayeda ti sara ye so a hunda na lo na ngangu ti sara na ngoi so lo de maseka.

Matthieu 26:2

“Ala hinga kue, na ya ti lango use, fade *matanga ti Pake ayeke duti daa. Fade a yeke mu *Molenge ti Zo titene a fâ lo na ndö ti keke ti kroa.”

Matthieu 26:5

Me ala tene: “Alingbi e gbu lo na lango ti matanga pepe, ngbanga ti azo atomboka.”

Marc 11:18

Akota wayango-sandaga na awafango-ndia ama tënë ti ye so Jésus asara so si ala yeke gi lege ti fâ lo. Me ala sara mbeto ti lo mingi, ngbanga ti so li ti gba ti azo akpe ndali ti fango ye ti lo.

Marc 11:32

Tongana e tene: ‘Azo laa atokua lo’, fade …” – Ala sara mbeto ti gba ti azo ni, ngbanga ti so ala kue ahinga atene, Jean ayeke taa wayanga-Nzapa.

Marc 14:1

*Matanga ti Pake na ti Mapa so a sara na mama ni pepe angba lango use. Akota wayango-sandaga na awafango-ndia ayeke gi lege ti gbu Jésus na lege ti mbeni mayere titene ala fâ lo.

Marc 14:3

Jésus ayeke na Betanii, na ya ti da ti Simon, zo ti buruma. So lo duti si lo yeke te kobe, mbeni wali ali na mbeni ngbenda so a sara ni na mbeni têne so iri ni albatre si yombo ti ngangu ngere ayeke na ya ni. A sara yombo ni na ngu ti mbeni kete keke so iri ni nare. Lo fâ ya ti ngbenda ni si lo tuku yombo ni na li ti Jésus.

Nzoni Tënë so Luc asu na mbeti 20:6

Tongana e tene: ‘Azo laa atokua lo’, fade azo ni kue ayeke bo e na têne, ngbanga ti so ala hinga biani atene, Jean ayeke wayanga-Nzapa.”

Nzoni Tënë so Luc asu na mbeti 22:1

Matanga ti Mapa so a sara na mama ni pepe aga nduru awe; matanga so a iri ni *Pake.

Jean 12:19

Tongaso *afarizien atene na popo ti ala: “Ala baa awe? Ye ni akara ala awe: azo ti dunia kue ague gi na peko ti lo!”

Jean 7:40

Na popo ti gba ti azo so ama atënë ti Jésus, ambeni atene: “So taa Wayanga-Nzapa ni laa!”