Marc 14:12 - Mbeti ti Nzapa - Tënë so amu fini

¹² Na kozo lango ti matanga ti Mapa so a sara na mama ni pepe, lango so azo ayeke fâ akete taba ndali ti matanga ti *Pake, adisiple ti Jésus ahunda lo, atene: “Mo ye e gue, e leke na mo kobe ti Pake na ndo wa?”

Marc 14:12 Iomraidhean Croise

Sigingo 12:18

Na kozo nze ni, na lango baleoko na osio ti nze ni, na lakui, fade ala yeke te mapa so a sara na mama ni pepe, ngbii asi na lakui ti lango baleuse na oko ti nze ni.

Sigingo 12:6

Ala yeke bata nyama ni ngbii asi na lango baleoko na osio ti nze ni. Na lakui ti lango ni so, bongbi ti azo ti Israel kue ayeke fâ go ti nyama ni.

Sigingo 12:8

Na bi ni so, ala yeke zö kasa ti nyama ni zongo si ala te ni na mapa so a sara na mama ni pepe; ala yeke te nga kasa ni na pere so asee sengo.

Sigingo 13:3

Moïse atene na azo ni, atene: “Lango so lani ala sigigi na sese ti Ezipte, ndo so ala yeke angbaa daa so, ala dabe ti ala na ni! Biani, na lege ti ngangu ti maboko ti KOTA GBIA, lo zi ala, lo sigigi na ala na ya ti kodro ni. Mapa so a sara na mama ni, fade ala te ni pepe.

Matthieu 3:15

Me Jésus akiri tënë na lo: “Ti fadeso, ayeke nzoni e sara tongaso si e lingbi ti sara ye so kue ayeke mbirimbiri na le ti Nzapa.” Tongaso Jean ayeda.

Marc 14:1

*Matanga ti Pake na ti Mapa so a sara na mama ni pepe angba lango use. Akota wayango-sandaga na awafango-ndia ayeke gi lege ti gbu Jésus na lege ti mbeni mayere titene ala fâ lo.

Marc 14:11

Na mango tënë so, tere ti ala anzere mingi si ala mu zendo na lo atene, fade ala yeke mu na lo nginza. Tongaso Judas ayeke gi nzoni lege ti ka Jésus na ala.

Marc 14:13

Tongaso Jésus atokua adisiple ti lo use si lo tene na ala: “Ala gue na ya ti gbata ni, fade ala yeke tengbi na mbeni koli so ayo ta ti ngu na li ti lo. Ala mu peko ti lo

Galasii 4:4

Me so ndembe ni alingbi na le ti Nzapa awe, lo tokua Molenge ti lo; wali laa adu lo, lo duti na gbe ti *Ndia ti azuife

Ndia ti fani use ni 16:5

Ala lingbi ande pepe ti mu sandaga ti Pake na ya ti mbeni gbata nde so KOTA GBIA Nzapa ti ala amu na ala.