Marc 14:11 - Mbeti ti Nzapa - Tënë so amu fini

¹¹ Na mango tënë so, tere ti ala anzere mingi si ala mu zendo na lo atene, fade ala yeke mu na lo nginza. Tongaso Judas ayeke gi nzoni lege ti ka Jésus na ala.

Marc 14:11 Iomraidhean Croise

1 Agbia 21:20

Élie ague, atene peko ti tënë ni na Akab si Akab atene na Élie: “Ae, wato ti mbi, mo kiri mo wara mbi awe!” Élie akiri tënë: “Taa-tënë, mbi kiri mbi wara mo, ngbanga ti so mo ka tere ti mo ti sara ye so ayeke sioni na le ti KOTA GBIA.

2 Agbia 5:26

Élisée atene na lo: “Na ndembe so mbeni zo alondo hio na ndö ti pusu ti ambarata ti lo ti ga ti wara mo so, mo hinga, mo tene, mbi yeke fade daa na lege ti yingo pepe? Ngoi titene mo mu abongo wala mo mu nginza ti vo na yaka ti a-olive na ti *vinye laa pepe; wala titene mo vo na ataba, abagara nga na azo ti kua ti koli na ti wali laa pepe!

Osée 7:3

Ala yeke zia ngia na be ti gbia, andaa ala yeke asioni zo; ala yeke zia ngia na be ti amakonzi, andaa ala yeke azo ti mvene.

Matthieu 26:14

Tongaso, mbeni disiple oko na popo ti adisiple baleoko na use, so iri ti lo Judas Iskariote ague na ndo ti akota wayango-sandaga;

Matthieu 26:15

lo tene na ala: “Tongana mbi ka Jésus na ala, fade ala yeke mu na mbi nyen?” Akota wayango-sandaga ni adiko ale ti nginza baleota si ala mu na lo.

Marc 14:10

Tongaso Judas Iskariote, mbeni disiple oko na popo ti adisiple baleoko na use, ague, abaa akota wayango-sandaga ti ka Jésus na ala.

Marc 14:12

Na kozo lango ti matanga ti Mapa so a sara na mama ni pepe, lango so azo ayeke fâ akete taba ndali ti matanga ti *Pake, adisiple ti Jésus ahunda lo, atene: “Mo ye e gue, e leke na mo kobe ti Pake na ndo wa?”

Nzoni Tënë so Luc asu na mbeti 22:3

Tongaso Satan ali na be ti Judas so a iri lo Iskariote, mbeni disiple oko na popo ti adisiple baleoko na use.

1 Timothée 6:10

Aye ti sioni kue alondo gi na lege ti sarango nzara ti nginza. Nzara ti nginza asara si ambeni zo azia lege ti mabe yongoro si ala tambula kirikiri, ala wani asara pasi na be ti ala mingi si ala duti na siriri pepe.

Jude 1:11

Mawa na azo ni so! Ala mu peko ti Kain. Ndali ti nginza, ala girisa lege tongana Balaam; ala kui, ngbanga ti so ala sara ngangu li tongana azo ti Kore.