Marc 13:7 - Mbeti ti Nzapa - Tënë so amu fini

⁷ Ala azo ti mbi, tongana ala yeke ma tënë ti bira so aga nduru wala tënë ti bira so angba yongoro, ala sara mbeto pepe! Alingbi aye so asi, me so laa ayeke hunzingo ti aye kue pepe.

Marc 13:7 Iomraidhean Croise

2 Samuel 14:14

Mbeni lâ, fade e kue, e yeke kui. E yeke tongana ngu so zo atuku na sese si lo lingbi ti kiri ti to ni pepe. Me ye so Nzapa adiko laa pepe ndali ti lo so a tumba lo ti gue na mbeni kodro yongoro; me Nzapa aleke na be ti lo titene zo ni angba yongoro na lo pepe.

Abia (Psaumes) 112:7

Tongana lo ma sango ti asioni ye, lo yeke sara mbeto pepe; be ti lo aduti kpoo, lo zia be ti lo na ndö ti KOTA GBIA.

Abia (Psaumes) 27:3

Ataa aturugu aga ti tiri bira na mbi, mbeto ayeke sara mbi oko pepe. Ataa bira ni alondo ngangu na tere ti mbi, be ti mbi angba gi na ndö ti mo.

Amato 3:25

Ye ti mbeto so ayeke si gburrr wala azo ti sioni so ayeke tuku na ndö ti mo, fade mo yeke sara mbeto ti ala pepe.

Ésaïe 8:12

“Ye so kue azo so ayeke iri ni ‘mango tere ti kinda gbia’, ala iri ni tongaso pepe; ye so azo ni ayeke sara mbeto ni, ala sara mbeto ni pepe, ala duti na mbeto ni pepe.

Jérémie 51:46

“Be ti ala awoko pepe! Asango so ayeke hon na ya ti kodro ni so, ala sara mbeto ni pepe. Na mbeni ngu, azo ayeke tene mbeni tënë nde, na mbeni ngu, ala yeke tene mbeni tënë nde. Azo ni ayeke tene: na ya ti kodro ni, gi sarango ngangu na azo, mbeni sioni gbia ayeke ga ti tumba mba ti lo na ndö ti mbata…

Matthieu 18:7

So ayeke ye ti mawa mingi na azo ti dunia! Aye mingi ayeke daa so ayeke sara si azo azia lege ti mabe ti ala. Biani, aye ni so ayeke duti ande daa lakue, me mawa na zo so asara si aye ni asi!

Matthieu 2:3

So gbia Herode ama tënë so, li ti lo aga kirikiri, lo na azo ti Jérusalem kue.

Marc 13:6

Fade azo mingi ayeke ga na iri ti mbi si zo oko oko ayeke tene: ‘Mbi laa mbi yeke *Mesii!’ Ala yeke handa gba ti azo.

Marc 13:8

Fade mbeni mara ayeke londo ti tiri na mbeni mara, mbeni kodro-gbia ayeke londo ti tiri na mbeni kodro-gbia; sese ayeke yingi na ando nde nde, kota nzara ayeke ga. Fade aye so ayeke duti tongana kozo songo ti ya ti wali so aga nduru ti du.

Jean 14:1

Jésus atene na ala: “Ala gi be ti ala pepe; ala ma na be na Nzapa, ala ma na be na mbi nga.

Jean 14:27

“Mbi zia na ala siriri; siriri ti mbi wani laa mbi yeke mu na ala. Mbi yeke mu ni na ala tongana ti so azo ti dunia ayeke mu ni pepe. Ala gi be ti ala pepe; mbeto asara ala pepe.

Awatokua 17:3

lo fa nda ni na ala si lo fa nga na azo ni, lo tene: “Alingbi *Mesii abaa pasi, lo zingo na kuâ. Jésus so mbi yeke fa tënë ti lo so, lo laa lo yeke Mesii ni.”