Marc 13:15 - Mbeti ti Nzapa - Tënë so amu fini

¹⁵ zo so ayeke duti na li ti da ti lo, alingbi lo zu na sese pepe ti gue ti mu mbeni ye na ya ti da ni;

Marc 13:15 Iomraidhean Croise

Tongo nda ti aye 19:22

Mo kpe hio, mo gue kâ titene mo soo kuâ. Mbi yeke sara ye oko pepe, ngbii mo si na ya ti gbata ni awe si.” Ndani laa azo adi iri ti gbata ni so Soar.

Tongo nda ti aye 19:26

Wali ti Lot abaa ndo na peko si lo ga ngbongboro ingo.

Mbeti ti Job 2:4

Me Satan akiri tënë na KOTA GBIA: “Ayeke na legeni. Zo kue ayeke mu ye ti kiri ti wara ye na pekoni. Ye so kue zo ayeke na ni, lo yeke mu ni ti soo na fini ti lo.

Amato 22:3

Zo ti hango le, tongana lo baa sioni ye ayeke ga, lo yeke honde tere ti lo. Ti azo so le ti ala ahan pepe, ala yeke hon ti ala hongo; tongaso, ala yeke wara ye ti pekoni.

Marc 13:16

zo so ayeke na yaka, alingbi lo kiri na ndo ti lo pepe ti mu kota bongo ti lo.

Awatokua 27:38

So ala kue ate kobe si ya ti ala asi awe, ala mu tanga ti ale ti *ble ni atuku na ya ti ngu titene mangboko ni ayapu.

Ahebro 11:7

Na lege ti mabe, Noe ama tënë ti aye so Nzapa atene tënë ni so ayeke si ande si zo ade ti baa ni pepe so. Noe abaa ni tongana senge tënë pepe, nilaa lo leke mbeni kota mangboko so lo na asewa ti lo ali na ya ni titene ala soo kuâ. Tongaso, lo fâ ngbanga na li ti azo ti dunia si na lege ti mabe, lo ga mbirimbiri na le ti Nzapa.