Marc 13:14 - Mbeti ti Nzapa - Tënë so amu fini

¹⁴ “Fade ala yeke baa ye so iri ni ‘Sioni-kpale-ti-bubango-ndo-kue’ so ayeke duti na ndo so sioni kpale ni alingbi fade ti duti daa pepe. (Mo so mo yeke diko mbeti so, mo gi nda ti ye so nzoni!) Tongaso, azo so ayeke na sese ti Judée, alingbi ala kpe ague na li ti ahoto;

Marc 13:14 Iomraidhean Croise

Abia ti demango tere 1:10

Awato anzi anzoni ye ti Jérusalem kue awe. Azo ti mara nde ali na ya ti kota da ti Nzapa; me azo ti gbata ti Jérusalem abaa ala bango. Andaa KOTA GBIA, mo mu yanga ando, mo tene: “Fade amara nde ayeke li na ya ti bongbi ti azo ti mbi pepe.”

Ezekiel 44:9

Tënë so mbi Kota Gbia NZAPA, mbi tene ayeke so: Wande oko so afâ ganza pepe si afâ ganza ti be pepe, lo yeke kiri ti li pepe na ndo so a zia ni nde ndali ti mbi; ataa wande ni ayeke lango na popo ti azo ti Israel.”

Daniel 11:31

Aturugu so lo tokua ala ayeke gue ti luti na tere ti ngangu gbagba so ayeke na tere ti ndo so a zia ni nde ndali ti Nzapa ti sara si ndo ni aga sioni. Asandaga so azo ayeke mu na Nzapa na ya ti lango oko oko, aturugu so ayeke kanga lege ni. Ala yeke zia na ndö ti gbalaka Sioni-kpale-ti-bubango-ndo-kue

Daniel 12:11

Ti londo na ngoi so a yeke kanga lege ti mungo asandaga ti lango oko oko na Nzapa nga na ngoi so ala yeke zia na ndö ti gbalaka Sioni-kpale-ti-bubango-ndo-kue, lango saki oko ngbangbo use na balegumbaya ayeke hon.

Daniel 8:13

“Tongaso, mbi ma mbeni ange so ayeke tene tënë. Mbeni ange nde ahunda lo ti kozoni so, atene: ‘Aye so azo abaa na ya ti mbeni ye tongana bango-li so ayeke ninga ngbii asi lawa? A yeke zia lege ti mungo sandaga so a yeke mu na ya ti lango oko oko so ngbii asi lawa? Sioni sarango ye ti bubango ndo so ayeke ninga ngbii asi lawa? A yeke ngba ti do na gere ndo so a zia ni nde ndali ti Nzapa ngbii asi lawa? A yeke ngba ti do na gere aturugu ti yayu ngbii asi lawa?’

Daniel 9:27

Na ya ti tanga ti ngoi ti ngu mbarambara so, makonzi ni ayeke gbu gba ti azo na ngangu titene ala sara ye so ala ye pepe. Na peko ti ngu ota na ndambo, lo yeke sara si asandaga ti nyama na asandaga ti ale ti kobe so azo ayeke mu ka na Nzapa akai. Zo ti bubango ndo so ayeke sara ande aye ti sioni mingi gi na loro, lo yeke sara ni ngbii tënë ti bubango lo so a diko ndali ti lo ati na ndö ti lo.’ ”

Matthieu 13:51

Jésus ahunda ala, atene: “Ala ma ya ti atënë so kue?” Azo ni ayeda, atene: “E ma ya ni awe.”

1 Korente 14:20

A-ita, ayeke nzoni gbungo-li ti ala ayeke tongana ti amolenge pepe. Tongana ayeke tënë ti sarango sioni, ala ga tongana akete molenge so ahinga ti sara sioni pepe; me ayeke nzoni gbungo-li ti ala ayeke tongana ti akota zo.

Aye so Nzapa afa 1:3

Ti lo nzoni, zo so ayeke diko mbeti so! Ti ala nzoni, azo so ayeke ma tënë ti peko ti yanga ti Nzapa so si ala yeke sara ye alingbi na tënë ti ya ti buku so! Ngoi ti aye ni aga nduru ti si awe.

Aye so Nzapa afa 13:18

So ngoi ti dutingo na ndara laa. Zo so ahinga ndo alingbi ti hinga nimoro ti nyama ni, ngbanga ti so ayeke nimoro ti iri ti zo. Nimoro ni ayeke ngbangbo omene na baleomene na omene.