Marc 13:12 - Mbeti ti Nzapa - Tënë so amu fini

¹² Fade zo ayeke ka ita ti lo titene a fâ lo, babâ ayeke sara nga tongaso na molenge ti lo; amolenge ayeke ga awato ti ababâ na amama ti ala ti ka ala titene a fâ ala.

Marc 13:12 Iomraidhean Croise

Ezekiel 38:21

Na ndö ti ahoto ti mbi kue, mbi yeke ga na bira na tere ti mo, Gog. So tënë ti yanga ti mbi, Kota Gbia NZAPA laa. Fade zo oko oko ayeke fâ ita ti lo na yongoro zeme.

Matthieu 10:21

Fade azo ayeke mu a-ita ti ala titene azo afâ ala; babâ ayeke mu nga molenge ti lo titene azo afâ lo; amolenge ayeke ga wato ti babâ na mama ti ala ti mu ala titene azo afâ ala.

Matthieu 24:10

Na ngoi ni so, azo mingi ayeke zia lege ti mabe ti ala; ala yeke ka amba ti ala na popo ti ala si ala yeke ke tere na popo ti ala.

Marc 13:11

Tongana a gbu ala ti gue na ala na gbe ti ngbanga, ala gi be ti ala kozoni pepe, atene: ‘Tënë ti nyen laa e yeke tene ande, nyen?’ Me na ndembe ni, ala tene gi tënë so Nzapa ayeke zia na yanga ti ala. Biani, tënë ni ayeke londo na ala pepe, me ayeke londo na Yingo-Vuru.

Marc 13:13

Azo kue ayeke ke ala ndali ti mbi; me zo so ayeke gbu ngangu ngbii asi na ndani, fade lo yeke soo kuâ.”

Nzoni Tënë so Luc asu na mbeti 21:16

Ababâ ti ala, amama ti ala, a-ita ti ala, asongo ti ala na amba ti ala so ala na ala aye tere ayeke ka ala; a yeke fâ ambeni zo mingi na popo ti ala.