Marc 13:10 - Mbeti ti Nzapa - Tënë so amu fini

¹⁰ Alingbi a fa Nzoni Tënë na amara kue kozoni si.

Marc 13:10 Iomraidhean Croise

Matthieu 12:41

Na lango ti fango ngbanga, fade azo ti Ninive ayeke londo ti luti na le ti azo ti fadeso ti fâ ngbanga na li ti ala, ngbanga ti so na ndembe so azo ti Ninive ama tënë ti Nzapa so Jonas afa, ala zia ngbene lege ti sarango ye ti ala. Mbeni zo ayeke ge so ayeke kota ahon Jonas!

Matthieu 24:14

Fade a yeke fa Nzoni Tënë ti *Kodro-gbia na ndö ti dunia kue, tongaso si azo ti amara kue ama ni. Na pekoni, fade ye kue ayeke hunzi.”

Marc 16:15

Na pekoni, lo tene na ala: “Ala gue na ndö ti dunia kue, ala fa Nzoni Tënë na azo kue.

Rome 1:8

Kozoni, mbi mu singila na Nzapa ti mbi ndali ti ala kue, na lege ti Jésus Christ, ngbanga ti so azo ti dunia kue ayeke tene tënë ti mabe ti ala.

Rome 10:18

Tongaso mbi hunda ndo, mbi tene: azo ti Israel ama tënë so a yeke fa so pepe? Biani, ala ma tënë ni kue! Mbeti ti Nzapa atene: “Azo ama go ti azo ti fango tënë na ndö ti sese kue, tënë ti ala asi na nda ti dunia kue.”

Rome 15:19

na lege ti aye ti kpene nga na lege ti aye ti dongo be so Yingo-Vuru asara. Tongaso, ti londo na Jérusalem ngbii asi na sese ti Ilirii, mbi tambula ti fa Nzoni Tënë kue ti Christ na azo.

Kolose 1:23

Me alingbi ala ngba na lege ti mabe, ala luti ngangu na ndö ni si ala kpengba. Na ndembe so ala ma Nzoni Tënë, ala wara lege ti zia be ti ala ti ku, ala zia lege ni, ala hon nde pepe. A fa Nzoni Tënë so na azo ti dunia kue si mbi Paul, mbi ga zo ti kua ti fango Nzoni Tënë ni.

Kolose 1:6

Nzoni Tënë asi na popo ti ala, azo ti Kolose. Na ndö ti dunia kue, Nzoni Tënë ni ayeke gue gi na nduzu si azo ayeke baa aye ti peko ni. Ye ni ayeke gi tongaso na popo ti ala, ti londo na ndembe so ala yamba Nzoni Tënë ni si ala hinga taa-tënë na ndö ti lege so Nzapa ayeke sara nzoni be na azo.

Aye so Nzapa afa 14:6

Na pekoni, mbi baa mbeni *ange nde so ayeke huru yongoro kâ na le ti nduzu. Lo yeke na mbeni Nzoni Tënë so ayeke ngba lakue lakue ti fa na azo ti amara kue, azo ti akete mara kue, azo ti ayanga ti kodro kue nga na azo ti akodro kue. Tënë ni ayeke.