Marc 12:9 - Mbeti ti Nzapa - Tënë so amu fini

⁹ Jésus ahunda ala, atene: “Fade wa ti yaka ni ayeke sara nyen? Lo yeke ga ti fâ azo ti fango yaka ni si lo yeke mu yaka ni na ambeni zo nde.

Marc 12:9 Iomraidhean Croise

Ésaïe 29:17

Gi na ya ti kete ngoi, fade gbako ti Liban ayeke kiri ti ga yaka ti akeke so a yeke te le ni tengo si yaka ni ayeke kiri ti ga mbeni gbako.

Ésaïe 65:15

Azo so mbi soro ala ayeke mu iri ti ala, azo ti sioni, ti deba azo na ni; ala yeke tene: ‘Alingbi Kota Gbia NZAPA afâ mo tongana zo tongaso!’ Me ti ala, azo ti kua ti mbi, fade a yeke mu mbeni iri nde na ala.

Jérémie 17:3

Mo, mara ti Juda, mo so mo yeke voro anzapa nde na ndö ti ahoto nga na yaka so, fade mbi yeke zia azo titene ala ga agbu anzoni ye ti mo na amosoro ti mo kue; ala yeke gbu aye na ando so mo leke na nduzu. Mbi yeke sara ye ni ndali ti asioni ye so mo sara na sese ti mo kue.

Malashii 1:11

Biani, ti londo na To ngbii asi na Do, amara nde ahinga so mbi yeke kota. Na ndo kue, azo ayeke zö dukani na mbi, ala yeke ga na asandaga so ayeke *nzoni. Biani, amara nde ahinga so mbi yeke kota. Tënë so KOTA GBIA so ayeke na ndö ti dunia kue atene laa.

Matthieu 12:45

Tongaso lo gue, lo mu ambeni yingo mbarambara so ayeke sioni ahon lo; lo na ala aga ali na ya ti da ni si aduti daa. Na pekoni, dutingo ti zo so ayeke ga sioni ahon ti kozoni. Ye so ayeke si ande na azo ti sioni ti fadeso laa.”

Matthieu 21:34

So ngoi ti fango ale ti vinye ni aga nduru, lo tokua azo ti kua ti lo na azo ti fango yaka ni titene ala mu ti lo ale ti vinye ni aga na ni.

Matthieu 21:43

Ndani laa, Jésus atene: “Mbi tene na ala: fade a yeke zi *Kodro-gbia ti Nzapa na maboko ti ala ti mu na azo so asara ye alingbi na ni. [

Matthieu 22:7

Ngonzo agbu gbia ni si lo tokua aturugu ti lo, ala gue, afâ azo ti fango zo so si ala gbi gbata ti ala kue.

Marc 12:10

Tënë so a su na ya ti Mbeti ti Nzapa so, ala diko ni pepe? Tënë ni atene: ‘Têne so azo ti sarango da ake ni, ni laa akiri aga ngangu têne ti gere ti da ni.

Marc 12:8

Ala gbu lo, ala fâ lo si ala bi kuâ ti lo na tere ti yaka ni.”

Nzoni Tënë so Luc asu na mbeti 19:27

Âdu ti awato ti mbi so aye titene mbi le-gbia na ndö ti ala pepe so, ala mu ala, aga na ala na ndo so si ala fâ go ti ala na le ti mbi.’ ”

Rome 10:20

Ésaïe atene tënë ni na mbeto pepe, lo tene: “Azo so agi mbi pepe, ala laa awara mbi; azo so ahunda ye na mbi pepe, ala laa mbi fa tere ti mbi na ala.”

Josué 23:15

Biani, legeoko tongana ti so KOTA GBIA, Nzapa ti ala asara ye alingbi na azendo so lo mu na ala, fade lo yeke sara si aye ti sioni so kue lo tene tënë ni ayeke si na ala. Fade lo yeke sara si ala hunzi kue na ndö ti nzoni sese so lo mu na ala.