Marc 12:31 - Mbeti ti Nzapa - Tënë so amu fini

³¹ Ndia ti use ni ayeke so: ‘Mo ye mba ti mo zo tongana ti so mo ye tere ti mo wani.’ Ambeni ndia so ayeke kota ahon ala use so ayeke daa pepe.”

Marc 12:31 Iomraidhean Croise

Awayango-sandaga 19:13

“Alingbi ala sara sioni na amba ti ala pepe, ala nzi ala pepe. Zo so asara kua na ala, ala gbanzi futa ti lo ngbii asi kekereke pepe.

Awayango-sandaga 19:18

Ala kiri peko ti sioni na azo pepe; zo ti mara ti ala so asara sioni na ala, ala bata ngonzo na be ti ala na tere ti lo pepe. Alingbi zo oko oko aye mba ti lo tongana ti so lo ye tere ti lo wani. Mbi laa mbi yeke KOTA GBIA.

Matthieu 22:39

Use ndia so ayeke nga kota ayeke so: ‘Mo ye mba ti mo zo tongana ti so mo ye tere ti mo wani.’

Matthieu 7:12

“Ye so kue ala ye titene azo asara na ala, ala wani asara nga ye ni na azo. So ayeke kota tënë ti ya ti *Ndia ti Moïse na ti ambeti ti awayanga-Nzapa.”

Marc 12:32

Wafango-ndia so atene na Jésus: “Wafango-ye, so ayeke nzoni mingi! Tënë so mo tene so ayeke taa-tënë: Nzapa ayeke gi oko, mbeni Nzapa nde ayeke daa pepe.

Nzoni Tënë so Luc asu na mbeti 10:27

Zo ni akiri tënë na lo: “Alingbi mo ye *Kota Gbia Nzapa ti mo na be ti mo kue, na yingo ti mo kue, na ngangu ti mo kue, na tënë ti be ti mo kue. Mo ye nga mba ti mo zo tongana ti so mo ye tere ti mo wani.”

Galasii 5:14

Biani, Ndia kue abongbi na ya ti tënë oko so: “Alingbi mo ye mba ti mo zo tongana ti so mo ye tere ti mo wani.”

1 Jean 4:21

Ndia so Christ amu na e ayeke so: zo so aye Nzapa, alingbi lo ye nga ita ti lo.