Marc 12:14 - Mbeti ti Nzapa - Tënë so amu fini

¹⁴ Ala ga si ala tene na lo: “Wafango-ye, e hinga so mo yeke tene gi taa-tënë; mo yeke sara kamene ti le ti zo pepe, ataa zo ni ayeke na kota ndo, me mo yeke fa taa-tënë na ndö ti lege ti sarango ye so Nzapa aye. Tene na e: *Ndia amu lege na e ti futa lapo na kota gbia ti Rome wala ti futa ni pepe? E lingbi ti futa ni wala e futa ni pepe?”

Marc 12:14 Iomraidhean Croise

2 Mbai 18:13

Mishe akiri tënë, atene: “*KOTA GBIA ayeke na fini! Tënë so Nzapa ti mbi ayeke tene, gi ni laa mbi yeke tene ande!”

2 Mbai 19:7

Fadeso, ala kpe mbeto ti KOTA GBIA; ala sara hange na ye so kue ala yeke sara, ngbanga ti so KOTA GBIA, Nzapa ti e aye ye ti kirikiri pepe, lo yeke mu mbage ti mbeni zo pepe, lo ye tënë ti petengo goro pepe.”

Néhémie 9:37

Sese ni ayeke du ale ti kobe gbani gbani gi ndali ti agbia so mo zia ala na li ti e. Mo zia agbia ni na li ti e ndali ti siokpari ti e. Ala yeke sara komandema na ndö ti e nga na ndö ti anyama ti e tongana ti so be ti ala aye. Ti e, e yeke na ya ti kota mawa!”

Abia (Psaumes) 120:2

“KOTA GBIA, zi mbi na maboko ti azo ti mvene, zi mbi na maboko ti azo so tënë ti yanga ti ala gi mvene so!”

Abia (Psaumes) 55:21

Zo so asara sioni na amba ti lo awe, amba ti lo so lo na ala aduti na siriri; lo buba ya ti *mbuki ti lo awe.

Jérémie 42:20

Ala tokua mbi na KOTA GBIA, Nzapa ti ala ti hunda lo ndali ti tënë ti ala. Ala tene na mbi: ‘Sambela KOTA GBIA, Nzapa ti e ndali ti e. Tënë so kue KOTA GBIA ayeke tene, tene na e, fade e yeke sara ni.’ Andaa kuâ laa ala iri na ndö ti ala.

Mishe 3:8

Me ti mbi, ndali ti yingo ti KOTA GBIA so lo mu na mbi, mbi wara ngangu ahon ndoni, mbi hinga lege ti fango ngbanga mbirimbiri si mbi yeke na mbeto pepe ti fa na *ahale ti Jacob tënë ti ngangu li ti ala, ti fa nga na azo ti Israel siokpari ti ala.

Matthieu 22:16

Ala tokua ambeni disiple ti ala na ambeni zo ti kama poroso ti Herode ti tene na Jésus: “Wafango-ye, e hinga so mo yeke tene gi taa-tënë, mo yeke fa taa-tënë na ndö ti lege ti sarango ye so Nzapa aye; mo yeke sara kamene ti le ti zo pepe, ataa zo ni ayeke na kota ndo.

Matthieu 22:17

Tene na e, ti be ti mo: *Ndia amu lege na e ti futa lapo na kota gbia ti Rome, wala e futa ni pepe?”

Marc 12:13

Ala tokua ambeni *farizien na ambeni zo ti kama poroso ti Herode na Jésus titene, gi na lege ti tënë ti yanga ti lo wani, lo ti na ya ti gbanda ti ala.

Marc 12:15

Me Jésus ahinga atene, tënë ti yanga ti afarizien ayeke nde na sarango ye ti ala. Tongaso lo tene na ala: “Ngbanga ti nyen ala ye ti sara si mbi ti na ya ti gbanda ti ala? Ala ga na mbi mbeni le ti nginza, mbi baa.”

Marc 14:45

Gi so Judas asi, lo ga nduru na tere ti Jésus; lo iri lo, lo tene: “Wafango-ye!” Na pekoni, lo su ngbangba ti lo.

Nzoni Tënë so Luc asu na mbeti 20:22

Tene na e: *Ndia amu lege na e ti futa lapo na kota gbia ti Rome, wala e futa ni pepe?”

Nzoni Tënë so Luc asu na mbeti 23:2

Ala to nda ti bi tënë na li ti lo, atene: “E wara koli so, lo yeke pusu azo ti mara ti e ti sara wusuwusu, lo yeke kanga lege na ala titene ala futa lapo na kota gbia ti Rome; lo tene nga, ni wani, ni yeke *Mesii, ni yeke gbia.”

Jean 7:18

Zo so ayeke tene gi tënë ti be ti lo, lo yeke gi titene azo agonda lo. Me zo so ayeke gi titene azo agonda zo so atokua lo, lo yeke tene gi taa-tënë; tënë ti mvene ayeke na yanga ti lo pepe.

Rome 13:6

Ndani so ala yeke futa nga lapo laa. Biani, azo ti rongo nginza ti lapo ayeke sara kua na Nzapa na ndembe so ala yeke sara kua ti ala.

2 Korente 2:17

Azo mingi ayeke mu tënë ti Nzapa ti de buze na ni; e yeke tongana ala pepe. Ti e, Nzapa laa atokua e, nilaa na lege ti gango so e ga oko na Christ, e yeke tene taa-tënë na le ti Nzapa.

2 Korente 2:2

Tongana mbi yeke zia vundu na be ti ala, zo wa laa ayeke kiri ti zia ngia na be ti mbi, zo wa? Andaa gi ala laa alingbi fade ti zia ngia na be ti mbi, ala so mbi zia vundu na be ti ala so!

2 Korente 4:1

Nzapa asara nzoni be na e si lo mu na e kua ni so, nilaa be ti e awoko pepe.

2 Korente 5:11

E hinga lege ti kpengo mbeto ti *Kota Gbia awe, nilaa e yeke gi lege ti sara kue titene azo ayeda na tënë ti lo. Nzapa ahinga e nzoni mingi, mbi hinga, mbi tene, gbaa na be ti ala kâ, ala nga ahinga mbi nzoni mingi.

2 Korente 5:16

Ndani laa, ti fadeso, e yeke kiri ti baa zo oko na le ti e na bango ndo ti zo pepe. Ataa so e baa Christ ando na le ti e na bango ndo ti zo, ti fadeso e yeke kiri ti baa lo tongaso pepe.

Galasii 1:10

Mbi yeke gi lege fadeso titene azo agonda mbi? Oko pepe, mbi ye titene Nzapa laa agonda mbi. Mbi yeke gi ti ga nzoni na le ti azo? Tongana mbi yeke gi fade titene azo agonda mbi, andaa mbi yeke zo ti kua ti Christ pepe.

Galasii 2:6

Ambeni zo ayeke daa so a baa ala tongana akota zo. – Ataa ala yeke lani kota wala ala yeke kota pepe, ngbanga ti mbi ayeke daa pepe, Nzapa ayeke gonda zo ndali ti le ti zo ni pepe. – Akota zo so agbu mbi na ngangu pepe titene mbi sara mbeni ye nde.

Ndia ti fani use ni 16:19

Ala buba ya ti ngbanga pepe! Tongana ala yeke fâ ngbanga, alingbi ala mu mbage ti mbeni zo pepe; ala yeda titene azo apete na ala goro pepe, ngbanga ti so goro ayeke vuko le ti zo ti ndara si ayeke buba ya ti tënë ti zo ti mbirimbiri.

1 Tesalonike 2:4

Me e yeke fa tënë ni tongana ti so be ti Nzapa aye, ngbanga ti so lo tara e awe si lo mu na e kua ti fango Nzoni Tënë. E yeke gi lege ti zia ngia na be ti azo pepe, me ti zia ngia na be ti Nzapa, lo so lo yeke tara be ti e.