Marc 12:11 - Mbeti ti Nzapa - Tënë so amu fini

¹¹ Ye so alondo na *Kota Gbia, ye ni ayeke ye ti kpene na le ti e!’ ”

Marc 12:11 Iomraidhean Croise

Tongo nda ti aye 24:50

Laban na Betuel akiri tënë, atene: “KOTA GBIA laa aleke ye ni tongaso. E yeke na mbeni tënë ti tene daa pepe, ataa tënë ti nzoni, wala tënë ti sioni.

Abia (Psaumes) 118:22

Têne so azo ti sarango da ake ni, ni laa akiri aga ngangu têne ti gere ti da ni.

Abia (Psaumes) 118:23

Ye so KOTA GBIA asara ni laa. Ye ni ayeke ye ti kpene na le ti e!

Habakuk 1:5

Kota Gbia atene: “Ala zi le ti ala, ala baa ye so ayeke si na popo ti amara nde; fade li ti ala ayeke ga kirikiri, li ti ala kue ayeke kpe! So ala de na fini so, ala yeke baa mbeni ye so ayeke si, ataa mbeni zo atene peko ni na ala, ala yeke yeda na ni pepe.

Wungo ti azo 23:23

Tënë ti sarango yoro ayeke na popo ti azo ti Jacob pepe, tënë ti bango nda ti aye ayeke na popo ti azo ti Israel pepe. Na ngoi so alingbi, fade a yeke tene na azo ti Jacob nga na azo ti Israel ye so kue Nzapa ayeke sara.

Matthieu 21:42

Na pekoni, Jésus ahunda ala, atene: “Tënë so a su na ya ti Mbeti ti Nzapa so, ala diko ni laoko pepe? Tënë ni atene: ‘Têne so azo ti sarango da ake ni, ni laa akiri aga ngangu têne ti gere ti da ni. Ye so alondo na *Kota Gbia, ye ni ayeke ye ti kpene na le ti e!’”

Awatokua 2:12

So li ti ala kue akpe si ala hinga li ti ala na ye ni pepe, ala hunda tere ti ala, atene: “So aye ti tene nyen?”

Kolose 1:27

Nzapa aye si ala hinga mosoro na gonda so lo leke na hondengo ni ndali ti azo so ayeke azuife pepe. Ye so lo leke ayeke so: Christ ayeke na be ti ala si ala zia be ti ala ti ku titene ala duti ande na ya ti gonda ti lo.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.