Marc 11:33 - Mbeti ti Nzapa - Tënë so amu fini

³³ Tongaso ala kiri tënë na Jésus: “E hinga pepe.” Nilaa Jésus atene na ala: “Zo so amu lege na mbi ti sara aye so, mbi nga, mbi yeke di iri ti lo na ala pepe.”

Marc 11:33 Iomraidhean Croise

Mbeti ti Job 5:13

Nzapa ayeke gbu azo ti ndara na lege ti sioni mayere ti ala; azo ti mvene, lo yeke kinda hio tënë ti be ti ala.

Ésaïe 1:3

Bagara ahinga wa ti lo; lele ahinga ndo so wa ti lo ayeke mu na lo kobe ti tengo ni daa. Me azo ti Israel ahinga ndo pepe, li ti azo ti mbi ayeke daa pepe.”

Ésaïe 56:10

Asanziri ti Israel kue ayeke awaziba, ala hinga ye oko pepe. Ala yeke ambo so ayeke buburu, ala lingbi ti dekongo pepe. Ala yeke lango na sese, ala yeke baa li ti ala; ala ye gi ti lango.

Osée 4:6

Azo ti mbi ayeke kui, ngbanga ti so ala hinga mbi pepe. So mo ke ti hinga mbi, fade mbi nga, mbi yeke ke mo, mo yeke kiri ti duti wayango-sandaga ti mbi pepe. So be ti mo agirisa na ye so Nzapa ti mo afa, fade be ti mbi nga ayeke girisa na amolenge ti mo.

Matthieu 15:14

Ala zia afarizien ni: ala yeke awaziba, ala ye ti fa lege na amba ti ala awaziba! Tongana waziba afa lege na mbeni mba ti lo waziba, fade ala use kue ayeke ti na ya ti du!”

Matthieu 16:4

Azo ti fadeso ayeke azo ti sioni, ala yeke ma yanga ti Nzapa pepe! Ala yeke hunda ti baa mbeni ye ti kpene, me fade ala yeke baa mbeni ye ti kpene oko pepe, gi ye ti kpene so asi ando na Jonas so alingbi awe!” Na pekoni, Jésus azia ala na ndo so si lo mu lege, lo hon.

Matthieu 21:27

Tongaso ala kiri tënë na Jésus, atene: “E hinga pepe.” Nilaa lo nga, lo tene na ala: “Zo so amu lege na mbi ti sara aye so, mbi nga, mbi yeke di iri ti lo na ala pepe.”

Marc 11:32

Tongana e tene: ‘Azo laa atokua lo’, fade …” – Ala sara mbeto ti gba ti azo ni, ngbanga ti so ala kue ahinga atene, Jean ayeke taa wayanga-Nzapa.

Marc 12:1

Na pekoni, Jésus ato nda ti tene tënë na ala na lege ti atoli, lo tene: “Mbeni zo afâ yaka ti *vinye. Lo sara gbagba na tere ni kue, lo zi du titene a pete le ti vinye ni daa, lo leke mbeni ndo na nduzu titene zo aluti daa ti baa ndo na tere ti yaka ni. Na pekoni, lo zia yaka ni na maboko ti ambeni zo ti fango yaka ti vinye si lo gue na mbeni kodro nde.

Jean 3:10

Jésus akiri tënë na lo, atene: “Mo so azo ahinga mo tongana wafango-ye na Israel so, mo hinga aye so pepe?

Jean 9:27

Lo kiri tënë na ala, lo tene: “Mbi tene na ala kozoni awe, me ala ye ti ma pepe. Ngbanga ti nyen laa ala ye ti ma ti fani use so? Ala nga, ala ye ti ga adisiple ti lo?”

Rome 1:28

So ala ke ti hinga Nzapa awe, lo zia ala titene hingango ndo ti ala aga kirikiri si ala sara ye so zo alingbi fade ti sara pepe.

2 Korente 3:15

Ti londo na ndembe ni so ngbii asi laso, azo ni angba lakue ti diko mbeti ti Moïse, me mbeni bongo akanga lege ti hingango ndo ti ala.