Marc 11:32 - Mbeti ti Nzapa - Tënë so amu fini

³² Tongana e tene: ‘Azo laa atokua lo’, fade …” – Ala sara mbeto ti gba ti azo ni, ngbanga ti so ala kue ahinga atene, Jean ayeke taa wayanga-Nzapa.

Marc 11:32 Iomraidhean Croise

Matthieu 11:9

Nyen laa ala gue ti bango ni kâ? Mbeni wayanga-Nzapa? Mbi tene na ala taa-tënë: zo so ala gue ti baa lo so ayeke kota ahon wayanga-Nzapa!

Matthieu 14:5

Herode aye lani ti fâ lo, me lo kpe mbeto ti azuife, ngbanga ti so ala baa Jean tongana wayanga-Nzapa.

Matthieu 21:46

Ala gi lege ti gbu lo, me mbeto ti gba ti azo so asara ala, ngbanga ti so azo ni abaa Jésus tongana wayanga-Nzapa.

Marc 11:31

Ala tene na popo ti ala: “Tongana e tene: ‘Nzapa laa atokua Jean’, fade lo hunda e, lo tene: ‘Ngbanga ti nyen si ala yeda na tënë ti lo pepe?’

Marc 11:33

Tongaso ala kiri tënë na Jésus: “E hinga pepe.” Nilaa Jésus atene na ala: “Zo so amu lege na mbi ti sara aye so, mbi nga, mbi yeke di iri ti lo na ala pepe.”

Marc 12:12

Amakonzi ti azuife agi lege ti gbu Jésus, ngbanga ti so ala hinga atene, lo tene toli so na ndö ti ala; me ala sara mbeto ti gba ti azo. Tongaso ala zia lo si ala gue.

Marc 6:20

Biani, Herode ayeke kpe mbeto ti Jean, ngbanga ti so lo hinga, lo tene, Jean ayeke zo ti mbirimbiri, lo yeke nga zo so Nzapa azia lo nde ndali ti lo. Herode ayeke bata lo titene azo asara sioni na lo pepe. Lo yeke na nzara mingi ti ma Jean-Baptiste; me tongana lo ma lo, lo hinga ye so lo lingbi ti sara ni pepe.

Nzoni Tënë so Luc asu na mbeti 20:19

Gi na ndembe ni so, awafango-ndia na akota wayango-sandaga ayeke gi lege ti gbu Jésus, me ala sara mbeto ti azo ti kodro. Ala hinga so toli so lo tene so, lo tene gi ti kpo ala.

Nzoni Tënë so Luc asu na mbeti 22:2

Akota wayango-sandaga na awafango-ndia ayeke gi lege ti fâ Jésus; me ala sara mbeto ti azo ti kodro.

Jean 10:41

Azo mingi aga na tere ti lo; ala tene na lo: “Jean asara aye ti kpene oko pepe, me atënë so kue Jean atene na ndö ti koli so ayeke taa-tënë.”

Awatokua 5:26

Tongaso makonzi ti aturugu ni na azo ti lo ague, amu awatokua ni akiri na ala; me ala sara ngangu na awatokua ni pepe, ngbanga ti so ala sara mbeto titene azo abo ala na têne.