Marc 11:3 - Mbeti ti Nzapa - Tënë so amu fini

³ Tongana mbeni zo ahunda ala, atene: ‘Ala yeke sara ye tongaso ngbanga ti nyen?’, ala tene na lo: ‘*Kota Gbia aye lele ni; lo yeke kiri na lele ni fafadeso.’ ”

Marc 11:3 Iomraidhean Croise

Abia (Psaumes) 110:3

Na lango so mo bongbi aturugu ti mo ti gue na bira, azo ti mo, na be ti ala wani, amu peko ti mo. Na ndö ti ahoto so ayeke nde si ayeke nzoni kue, amaseka ayeke ga na mbage ti mo; ala kpa ngu ti pere ti kota ndaperere.

Abia (Psaumes) 24:1

Bia ti David. Sese so na aye ti ndö ni kue ayeke ti *KOTA GBIA. Dunia so na azo ti ndö ni kue ayeke ti lo.

Marc 11:2

lo tene na ala: “Ala gue na kete kodro so ayeke na dawa ti ala so. Gi so ala yeke li na ya ni, ala yeke wara mbeni molenge ti lele so a kanga lo na tere ti mbeni ye, mbeni zo ade ti duti na ndö ti lo pepe. Ala zi lo, aga na lo.

Marc 11:4

Tongaso, ala gue si ala wara lele ni na gigi, na ndö ti balabala; a kanga lo na yanga ti mbeni da. Ala zi lo.

Marc 14:15

Fade lo yeke fa na ala mbeni kota kubu na nduzu so a leke ya ni na aye ti ya ni kue awe: na ndo so laa ala yeke leke kobe ni daa.”

Awatokua 1:24

Na pekoni, ala sambela Nzapa, atene: “Kota Gbia, mo hinga be ti azo kue. Tongaso, na popo ti azo use so, fa na e zo wa laa mo soro lo

Awatokua 10:36

Nzapa atokua tënë ti lo na azo ti Israel: tënë ni ayeke Nzoni Tënë so amu siriri na zo na lege ti Jésus Christ, lo so lo yeke *Kota Gbia ti azo kue.

Awatokua 17:25

Lo yeke ku titene maboko ti azo laa asara ye na lo pepe, ngbanga ti so lo laa lo yeke mu fini na azo, lo laa lo yeke sara titene azo awu pupu, lo laa lo mu aye kue na azo.

2 Korente 8:9

Biani, ala hinga nzoni be ti Kota Gbia ti e Jésus Christ: lo yeke lani zo ti mosoro, me lo yeda ti ga zo ti mawa ndali ti ala titene na lege ti mawa ti lo, ala ga azo ti mosoro.