Marc 11:23 - Mbeti ti Nzapa - Tënë so amu fini

²³ Mbi tene na ala taa-tënë: tongana zo atene na hoto so, atene: ‘Londo na ndo so, mo ti na ya ti kota ngu-ingo’ si lo dekite na be ti lo pepe, me lo ma na be so ye ni ayeke si, fade ye ni ayeke si biani.

Marc 11:23 Iomraidhean Croise

Abia (Psaumes) 37:4

Gi lege ti wara ngia ti mo na lege ti KOTA GBIA, fade lo yeke mu na mo ye so be ti mo aye.

Matthieu 14:13

So Jésus ama tënë so, lo londo na ndo so, lo ko na ya ti ngo si lo gue na mbeni ndo so zo ayeke daa pepe. Gba ti azo ama a tene, lo hon; ala londo na ya ti agbata nde nde si ala mu peko ti lo na gere.

Matthieu 17:20

Jésus akiri tënë na ala: “Ngbanga ti so mabe ti ala ayeke kete. Biani, mbi tene na ala: tongana konongo ti mabe ti ala alingbi na konongo ti kete kete le ti keke ti mutarde, fade ala yeke tene na hoto so: ‘Londo na ndo so, mo gue kâ.’ Fade hoto ni ayeke hon; ye alingbi ti kara ala oko pepe. [

Matthieu 21:21

Jésus akiri tënë na ala: “Mbi tene na ala taa-tënë: tongana ala yeke na mabe si ala dekite pepe, fade ala yeke sara ye so mbi sara na keke ti fige so. Ala lingbi nga ti tene na hoto so: ‘Londo na ndo so, mo ti na ya ti kota ngu-ingo’, fade ye ni ayeke si alingbi na ni.

Nzoni Tënë so Luc asu na mbeti 17:6

Kota Gbia atene na ala: “Tongana konongo ti mabe ti ala alingbi na konongo ti le ti keke ti mutarde, fade ala lingbi ti tene na keke ti sikomor so, atene: ‘Gboto tere ti mo na agunda ti mo kue, mo gue, mo lu tere ti mo na ya ti kota ngu-ingo’, fade keke ni ayeke ma yanga ti ala.”

Jean 14:13

Ye so kue ala yeke hunda na iri ti mbi, fade mbi yeke sara ni si azo agonda Babâ na lege ti Molenge ni.

Jean 15:7

Tongana ala duti oko na mbi si atënë ti mbi aduti na be ti ala, ala hunda ye so be ti ala aye, fade ala yeke wara ni.

1 Korente 13:2

Tongana mbi yeke na matabisi ti tenengo peko ti tënë ti yanga ti Nzapa, tongana mbi hinga nda ti aye so kue angba na hondengo ni, tongana mbi hinga ye kue, tongana mbi yeke na mabe ti sara si ahoto alondo ahon si mbi ye amba ti mbi pepe, mbi yeke ye oko pepe.