Marc 11:17 - Mbeti ti Nzapa - Tënë so amu fini

¹⁷ Na pekoni, lo fa ye na azo ni, lo tene: “Mbeti ti Nzapa atene: ‘Fade a yeke iri da ti mbi da ti sambelango Nzapa ti amara kue.’ Me ti ala, ala sara si da ni aga du so azo ti nzi ayeke honde tere ti ala daa!”

Marc 11:17 Iomraidhean Croise

Ésaïe 56:7

fade mbi yeke sara si ala ga na ndö ti hoto ti mbi so ayeke nde si ayeke nzoni kue. Mbi yeke sara si be ti ala asi singo na ngia na ya ti da so a yeke sambela mbi daa. Asandaga so a yeke gbi ni kue na wâ nga na asandaga nde nde so ala yeke ya na mbi na ndö ti gbalaka, mbi yeke yamba ni. Biani, fade azo ayeke iri da ti mbi, ‘Da ti sambela ti amara kue.’ ”

Ésaïe 60:7

Angasa na ataba ti Kedar ayeke bongbi na ndo ti mo. Akoli-taba ti Nebayot ayeke ga ye ti kua ti mo. A yeke zia ala na ndö ti gbalaka ti KOTA GBIA, *sandaga tongaso laa ayeke nzere na lo. Sandaga ni ayeke mu nengo na kota da ti lo.

Jérémie 7:11

Kota da so a di iri ti mbi daa so, ala baa ni tongana du so azo ti nzi ayeke honde tere ti ala na ya ni? Ye so mbi wani, mbi baa laa; so tënë ti yanga ti KOTA GBIA laa.

Osée 12:7

“Ti mo Jacob, alingbi mo kiri na mbi, Nzapa ti mo. Sara ye na lege ti nzoni be, sara ye na legeni; zia be ti mo lakue ti ku Nzapa ti mo.”

Marc 11:16

Lo zia zo oko pepe ti yo mbeni ye ti hon na ni na ya ti kota da ni.

Nzoni Tënë so Luc asu na mbeti 19:46

Lo tene na ala: “A su na ya ti Mbeti ti Nzapa, atene: ‘Da ti mbi ayeke duti ande da ti sambelango Nzapa.’ Me ti ala, ala sara si da ni aga tongana du so azo ti nzi ayeke honde tere ti ala daa!”

Jean 2:14

Na ya ti kota da ti Nzapa, lo wara azo ti kango abagara, ataba na *ambipa; lo wara nga azo so aduti na tere ti meza si ala yeke sanze nginza.

Jean 2:16

Lo tene na azo ti kango ambipa ni, lo tene: “Ala zi aye so kue, ahon na ni! Ala sara si da ti Babâ ti mbi aga ndo ti dengo buze pepe!”