Marc 10:6 - Mbeti ti Nzapa - Tënë so amu fini

⁶ Me na tongo nda ti dunia, ‘Nzapa asara koli na wali.

Marc 10:6 Iomraidhean Croise

Tongo nda ti aye 1:1

Na tongo nda ni, Nzapa asara yayu na sese.

Tongo nda ti aye 1:27

Nzapa asara zo, zo ni akpa Nzapa, lo sara zo ni akpa gi lo Nzapa. Lo sara ala, koli na wali.

Tongo nda ti aye 5:2

lo sara ala koli na wali. Lo sara tufa na ndö ti ala si lo di iri ti ala azo, na lango so lo sara ala.

Marc 13:19

ngbanga ti so, na ya ti alango ni so, fade pasi ayeke hon ndoni. Ngbene ye na tongo nda ti dunia so Nzapa asara ngbii asi fadeso, zo ade ti baa mara ti pasi tongaso laoko pepe. Na pekoni, fade zo ayeke kiri ti baa mara ti pasi so oko pepe.

Rome 1:20

Ti londo na ndembe so dunia abaa gigi, ambeni ye ti Nzapa ayeke daa so le ti zo ayeke baa pepe: ngangu ti lo so ayeke lakue lakue nga na dutingo ti lo ti Nzapa; azo so ayeke gbu li ti ala ayeke baa ni na lege ti aye so Nzapa asara. Tongaso ala yeke na tënë ti kiri na ni pepe.

2 Pierre 3:4

atene: “Jésus amu ando zendo atene, ni yeke ga; ka lo yeke na ndo wa? Akotara ti e akui aninga awe, ala zia mê ti e! Ti londo na ngoi so dunia abaa gigi, nyen laa asanze, nyen?”

Awafango-ngbanga 21:22

Tongana ababâ ti amolenge-wali ni wala a-ita ti ala ti koli aga ti bi tënë na li ti e, fade e yeke tene na ala, e tene: ‘Ala sara nzoni be na azo ti Benjamin si. Biani, na ngoi ti bira ti Yabesh, e wara lege pepe ti mu wali na ala oko oko kue. So ala wani laa amu awali na azo ti Benjamin pepe so, tënë ti deba ayeke na ndö ti ala pepe.’ ”