Marc 10:52 - Mbeti ti Nzapa - Tënë so amu fini

⁵² Jésus atene na lo: “Mo gue, mabe ti mo asoo mo awe!” Gi hio na pekoni, waziba ni ato nda ti baa ndo si lo mu peko ti Jésus.

Marc 10:52 Iomraidhean Croise

Abia (Psaumes) 146:8

KOTA GBIA ayeke zi le ti azo so le ti ala akanga. Azo so ati na sese, KOTA GBIA ayeke mu ala na nduzu; KOTA GBIA aye azo ti mbirimbiri.

Abia (Psaumes) 33:9

Lo laa lo tene tënë si ye ni asi; lo laa lo mu yanga si ye ni abaa gigi.

Ésaïe 35:5

Tongaso, fade awaziba ayeke kiri ti baa ndo; azo so mê ti ala akanga ayeke kiri ti ma ndo.

Matthieu 11:5

awaziba akiri abaa ndo, azo so gere ti ala abuba akiri atambula nzoni, tere ti azo ti buruma aga nzoni, azo so mê ti ala akanga akiri ama ndo, azo azingo na kuâ, a fa Nzoni Tënë na azo ti mawa.

Matthieu 12:22

Tongaso, azo amu mbeni koli so sioni yingo ayeke na ya ti lo aga na lo na Jésus; lo yeke waziba si lo yeke nga buburu. Jésus akai kobela ti lo; lo to nda ti tene tënë si lo baa ndo.

Matthieu 15:28

Tongaso, Jésus akiri tënë na lo: “Wali, mabe ti mo ayeke kota! Ye so mo ye so, ayeke nzoni mo wara ni.” Gi na ndembe ni so, tere ti molenge ti lo ni aga nzoni.

Matthieu 21:14

Awaziba na azo so gere ti ala abuba aga nduru na Jésus na ya ti kota da ti Nzapa ni si lo kai kobela ti ala.

Matthieu 8:3

Jésus ayoro maboko ti lo, lo ndu koli ni si lo tene: “Mbi yeda! Ayeke nzoni tere ti mo aga nzoni!” Gi hio tongaso, buruma ti koli ni akai.

Matthieu 9:22

Jésus abi le ti lo na peko, lo baa wali so si lo tene na lo: “Molenge ti mbi, de be ti mo! Mabe ti mo asoo mo awe.” Gi na ndembe ni so, kobela ti wali ni akai.

Marc 1:31

Lo gue na tere ti lo, lo gbu maboko ti lo si lo mu lo na nduzu. Tere ti mama ni ade, lo londo si lo to nda ti sara na ala.

Marc 5:34

Jésus atene na lo: “Molenge ti mbi ti wali, mabe ti mo asoo mo awe. Kobela ti mo akai awe, mo gue nzoni.”

Marc 8:25

Jésus akiri azia maboko na ndö ti le ti waziba ni si lo baa ndo nzoni: le ti lo azi awe, lo lingbi ti baa ndo fadeso nzoni.

Nzoni Tënë so Luc asu na mbeti 7:50

Me Jésus atene na wali ni: “Mabe ti mo asoo mo awe. Mo gue nzoni!”

Nzoni Tënë so Luc asu na mbeti 9:48

lo tene na ala: “Zo so ayamba kete molenge so na iri ti mbi, andaa mbi laa lo yamba mbi; zo so ayamba mbi, andaa lo yamba nga lo so atokua mbi. Zo so ayeke kete kete na popo ti ala, andaa lo laa lo yeke kota ahon ala kue.”

Jean 9:32

Na ndö ti dunia so, lawa laa e ma tënë ti mbeni zo so a du lo waziba si mbeni zo azi le ti lo?

Jean 9:39

Jésus atene: “Mbi ga na dunia so ti fâ ngbanga: tongaso si awaziba abaa ndo si azo so ayeke baa ndo, akiri aga awaziba.”

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”