Marc 10:5 - Mbeti ti Nzapa - Tënë so amu fini

⁵ Tongaso Jésus atene na ala: “Moïse asu ndia so na mbeti ndali ti kpengbango li ti ala.

Marc 10:5 Iomraidhean Croise

Néhémie 9:26

Me akotara ti e asara ngangu li na mo, ala tomboka na tere ti mo, ala bi atënë ti ndia ti mo na peko ti ala; ala fâ awayanga ti mo so ayeke mu wango na ala titene ala kiri na mbage ti mo. Na sarango ye tongaso, ala zonga mo mingi.

Matthieu 19:8

Jésus akiri tënë na ala: “Ala yeke azo ti kpengbango be, nilaa Moïse amu lege na ala titene ala tumba awali ti ala. Me na tongo nda ni, ye ni ayeke ando tongaso pepe.

Awatokua 7:51

“Ala azo ti ngangu li, ala so a fâ be ti ala na mê ti ala na ganza pepe so, lakue ala yeke ke tënë ti Yingo-Vuru! Ala yeke tongana akotara ti ala!

Ndia ti fani use ni 24:1

Moïse atene: Mbeni ye tongaso alingbi ti si: mbeni koli amu mbeni wali, me na pekoni wali ni akiri anzere na le ti lo pepe, ngbanga ti so lo baa na wali ni mbeni ye so lo ke tënë ni. Tongaso, koli ni ayeke su mbeti ti kangbingo tere, lo mu na wali ni; na pekoni, lo tumba wali ni na da ti lo.

Ndia ti fani use ni 31:27

Biani, mbi hinga azo ti Israel kue: be ti ala akpengba mingi, ala yeke azo ti ngangu li. Laso, mbi de na fini na popo ti ala. Me ataa so kue, ala yeke tomboka na tere ti KOTA GBIA! Na peko ti kuâ ti mbi, fade ye ni ayeke ga ande tongana nyen?

Ndia ti fani use ni 9:6

Alingbi ala hinga atene, KOTA GBIA Nzapa ti ala ayeke mu ande sese ni na ala titene aga ti ala, me ayeke ndali ti mbirimbiri ti ala pepe. Biani, ala yeke azo ti ngangu li!