Marc 10:49 - Mbeti ti Nzapa - Tënë so amu fini

⁴⁹ Jésus aluti si lo tene: “Ala iri lo.” Azo ni airi waziba ni si ala tene na lo: “De be ti mo, mo londo! Lo yeke iri mo!”

Marc 10:49 Iomraidhean Croise

Abia (Psaumes) 145:8

KOTA GBIA ayeke sara nzoni be na zo si lo yeke baa mawa ti zo; lo yeke sara ngonzo hio hio pepe, nzoni be ti lo asi singo.

Abia (Psaumes) 86:15

Me mo Kota Gbia, mo yeke Nzapa so mo yeke baa mawa ti zo si mo yeke sara nzoni be na zo; mo yeke sara ngonzo hio hio pepe, nzoni be ti mo asi singo si mo yeke bata tënë ti yanga ti mo lakue.

Matthieu 9:2

Ambeni zo amu mbeni koli so mbage ti tere ti lo abuba si aga na lo na Jésus. Koli ni ayeke lango na ndö ti kelekpa. Jésus abaa mabe ti azo ni si lo tene na koli so mbage ti tere ti lo abuba so, lo tene: “Kanga be ti mo, molenge ti mbi! A zi siokpari ti mo awe!”

Marc 10:50

Tongaso lo bi kota bongo ti lo ti de, lo huru lo luti na ndö ti gere ti lo si lo ga na tere ti Jésus.

Nzoni Tënë so Luc asu na mbeti 18:40

Jésus aluti si lo mu yanga titene ala mu lo, aga na lo. So lo ga nduru awe, Jésus ahunda lo, atene:

Jean 11:28

So Marthe atene tënë so na Jésus awe, lo kiri, lo iri ita ti lo Marie si lo tene na ya ti mê ti lo, lo tene: “Wafango-ye ayeke na ndo so, lo iri mo.”

Ahebro 2:17

Ndani laa, alingbi fade lo ga tongana a-ita ti lo na ya ti aye kue. Tongaso, lo ga kota wayango-sandaga so ayeke baa mawa ti azo si lo yeke sara kua ti Nzapa na legeni, titene lo zi asiokpari ti azo.

Ahebro 4:15

E yeke na kota wayango-sandaga so alingbi ti baa mawa ti e na ndo so ngangu atia e daa. Biani, aye ti tarango be kue asi na lo tongana ti so ayeke si na e, me lo sara ti lo siokpari oko pepe.