Marc 10:35 - Mbeti ti Nzapa - Tënë so amu fini

³⁵ Na pekoni, Jacques na Jean, amolenge ti Zebede aga na tere ti Jésus si ala tene na lo: “Wafango-ye, e ye si mo sara ande na e ye so e yeke hunda na mo.”

Marc 10:35 Iomraidhean Croise

1 Agbia 2:16

Fadeso, mbi yeke na mbeni ye oko ti hunda na mo; mo gbanzi ni na mbi pepe.” Batsheba atene na lo: “Mo tene tënë ni ma!”

1 Agbia 2:20

Batsheba atene na lo: “Mbi yeke na mbeni kete ye ti hunda na mo; mo gbanzi ni na mbi pepe.” Gbia atene: “Mama, mo hunda ye so mo ye, fade mbi ke pepe ti mu na mo.”

Matthieu 4:21

Jésus ahon gi kete, lo baa ambeni ita use: Jacques na ita ti lo Jean, amolenge ti Zebede; ala na babâ ti ala ayeke na ya ti ngo si ala yeke leke agbanda ti ala. Jésus airi ala.

Marc 10:36

Jésus ahunda ala, atene: “Nyen laa ala ye mbi sara na ala?”

Marc 14:33

Lo mu Pierre, Jacques na Jean na tere ti lo si lo na ala ague. Be ti lo ato nda ti do na mbeto si mbeto asara lo ahon ndoni.

Marc 5:37

Lo ke na azo kue ti mu peko ti lo, gi Pierre na Jean na ita ti lo Jacques.

Marc 9:2

Lango omene na pekoni, Jésus amu Pierre, Jacques na Jean na tere ti lo, lo gue na ala na li ti mbeni kota hoto si ala duti kâ gi ala oko. Tere ti lo akiri aga nde na le ti ala: